"რთულია სიტყვების პოვნა იმის გადმოსაცემად, რამდენად იმედგაცრუებული ვარ ქართველი პოლიტიკოსებით", — ასე ეხმიანება ქართული ოცნების მიერ შარლ მიშელის შეთანხმების ანულირებას ევროპარლამენტარი რასა იუკნევიჩიენე.

"მიუხედავად ამისა, მჯერა, რომ საქართველო იპოვის ძალას, რომ შეცვალოს სიტუაცია. ამ ერს ჰყავს პასუხისმგებლიანი საზოგადოება და ისინი აიღებენ ამ პასუხისმგებლობას", — წერს ის ტვიტერზე.

28 ივლისს ქართულმა ოცნებამ განაცხადა, რომ შარლ მიშელის შეთანხმება ანულირებულია. პარტიის თავმჯდომარის, ირაკლი კობახიძის თქმით, შეთანხმებას მხოლოდ თავად ასრულებენ, რაც არასწორად მიაჩნიათ. მან ოპოზიციას დააბრალა შეთანხმების არშესრულება. ამასთან, მისივე თქმით, ქართული ოცნება უარს ამბობს აქამდე დაპირებულ 43%-იან ბარიერზე და აცხადებს, რომ ახალი არჩევნები მათი "კეთილი ნებით" 53%-ის მიღების შემთხვევაშიც ჩატარდება, თუ გადაწყვეტენ, რომ ოპოზიცია მზად არის კოალიციური მმართველობისთვის.

გაიგეთ მეტი: