შინაგან საქმეთა სამინისტროს, ე.წ. ქურდული სამყაროსა და ე.წ. კანონიერი ქურდების წინააღმდეგ კანონმდებლობის დახვეწისა და გამკაცრების ინიციატივა აქვს. სამინისტრო აღნიშნულ საკანონმდებლო პაკეტს მთავრობას წარუდგენს.

ამის შესახებ, შსს-ს აკადემიაში ორგანიზებული დანაშაულის წინააღმდეგ ბრძოლის შეხევდრაზე ისაუბრეს. სადაც ასევე 2017-2020 წლების ეროვნული სტრატეგიისა და 2017-2018 წლების სამოქმედო გეგმის პროექტების პრეზენტაცია გაიმართა.

ორგანიზებული დანაშაულის წინააღმდეგ ბრძოლის 2017-2020 წლების ეროვნული სტრატეგიისა და 2017-2018 წლების სამოქმედო გეგმის პროექტები უახლოეს მომავალში საქართველოს მთავრობის ადმინისტრაციას დასამტკიცებლად გადაეგზავნება.

სხდომას უწყებათშორისი საკოორდინაციო საბჭოს შემადგენლობაში შემავალი უწყებების - შინაგან საქმეთა სამინისტროს, მთავარი პროკურატურის, სასჯელაღსრულებისა და პრობაციის სამინისტროს, განათლებისა და მეცნიერების სამინისტროსა და არასამთავრობო სექტორის წარმომადგენლები ესწრებოდნენ.