ახირებული აზრები ჩვენ ხშირად გვაწუხებენ, თანაც, ზოგჯერ ისეთ დროს, როცა საერთოდ არაა მათზე ფიქრის არც დრო და არც ადგილი. შხაპში მოსულ ფიქრებზე რომ არაფერი ვთქვათ, მაშინ, როცა წესით დავალებას ან სხვა საქმეს უნდა ვაკეთებდეთ, არცთუ იშვიათად კედელს ვაჩერდებით და ზოგადსაკაცობრიო თემებზე ვიწყებთ საკუთარ თავთან მსჯელობას.

ასე იქცევა ერთ-ერთი ცნობილი ტიკტოკერი, ControversialConvos-იც, რომელმაც მსგავსი ეგზისტენციალური კითხვებისათვის პასუხებს ვიდეოების ნაკრებში მოუყარა თავი და მას "თავდამავიწყებელი აზრების სერია" უწოდა.

მოკლედ, თუ მზად ხარ, კითხვებს არ გაექცე და ისეთი ფაქტები მოისმინო, რომლებიც, ეჭვგარეშეა, შენს ტვინში კარგა ხანს იტრიალებენ, აუცილებლად განაგრძე კითხვა.

1. ადამიანმა, რომელმაც პირველად გამოიგონა რაღაც, გამოგონებაც გამოიგონა

2. ფული შენი არასდროსაა, უბრალოდ, მისით სარგებლობის შენი ჯერია

3. მთელ ფილმს ვერასდროს უყურებ, რადგან თვალს ახამხამებ

4. ხილს, ადამიანების მსგავსად, ჭიპლარი, ანუ ყუნწი აქვს, რითიც ხეზეა მიბმული

5. ქიმიის წიგნი, უბრალოდ, ატომების ნაკრებია, რომელიც სხვა ატომებს ატომებზე უყვება

6. წყალს ფერი არ აქვს, მაგრამ სველი ტანსაცმელი უფრო მუქია

7. შენ წყალს არ ყიდულობ — მას ქირაობ, მოიხმარ, აბრუნებ; ის იწმინდება და კვლავ გასაქირავებლად გამოდის

8. სინონიმის სინონიმი არ არსებობს

9. თუ პერანგი შარვალში არ გაქვს ჩატანებული, ესე იგი, შარვალი გაქვს პერანგში ჩატანებული

10. ანიმაციებსა და ვიდეოთამაშებში სანათები ელექტროენერგიას მართლა მოიხმარენ

11. შენს გარდაცვლილ სხეულს თუ ვერ ნახავენ, საკუთარ პანაშვიდს გამოტოვებ

12. ახედვისას ცას კი არ აჰყურებ, სამყაროს ჩაჰყურებ

13. თავის დანებებისთვის თავის დანებებაც თავის დანებებაა

14. ჩვენმა ტვინმა იცის, როგორ გააქნიოს კუდი, უბრალოდ, კუდი არ გვაქვს

15. დაბადების მოწმობა, რეალურად, ბავშვის ქვითარია

16. სამყაროში ყველაფერი ან კარტოფილია, ან არ არის კარტოფილი

17. თუკი ბადეს გახევ, მასზე უფრო ნაკლები ნახვრეტი იქნება, ვიდრე მანამდე

18. ცარიელ ოთახში არავინ არასდროს არ ყოფილა

19. სულ რომ არსად არ წახვიდე, მაინც მოგზაურობ

ბოლო-ბოლო მზეს უკვე იმდენჯერ შემოუარე გარშემო, რამდენი წლისაც ხარ.

20. თამარ მეფე ისევ წყვეტს რაღაცებს — 50-ლარიანის საშუალებით

21. შეღებვისას ოთახი პატარავდება

22. მტვერს კი არ წმენდ, უბრალოდ, აადგილებ

23. სარკე კი არ იმსხვრევა, უბრალოდ, მრავლდება

24. უკვე არსებობს სიმღერა, რომელსაც ცხოვრებაში უკანასკნელად მოუსმინე

25. შენ კი არ იბან ხელებს, ხელები იბანენ თავიანთ თავს

ჭკვიანური ბონუსი: ბევრი ხელოვნური ინტელექტის განვითარებაზე უფრო დარდობს, ვიდრე ადამიანური ინტელექტის განუვითარებლობაზე