ევროპული საბჭოს პრეზიდენტი, შარლ მიშელი უკვე საქართველოშია. ბათუმის საერთაშორისო აეროპორტში მას დახვდა ევროკავშირის ელჩი საქართველოში, კარლ ჰარცელი. ასევე, ხელისუფლების წარმომადგენლები, მათ შორის, საგარეო საქმეთა მინისტრი, დავით ზალკალიანი და აჭარის ავტონომიური რესპუბლიკის მთავრობის თავმჯდომარე, თორნიკე რიჟვაძე.

ხვალ, 19 ივლისს, მიშელი დაესწრება საერთაშორისო კონფერენციას, რომლის ერთ-ერთი მთავარი თემა აღმოსავლეთ პარტნიორობის ასოცირებული ქვეყნების ევროკავშირთან ურთიერთობაა.

შარლ მიშელის გარდა, კონფერენციაში მონაწილეობას მიიღებენ მოლდოვის პრეზიდენტი, მაია სანდუ და უკრაინის პრეზიდენტი ვოლოდიმირ ზელენსკი.

კონფერენციაზე საქართველოდან წარმოდგენილები იქნებიან პრემიერმინისტრი, ირაკლი ღარიბაშვილი და საქართველოს პრეზიდენტი, სალომე ზურაბიშვილი. შეხვედრის შემდეგ დაგეგმილია პრესკონფერენციაც.

გაიგე მეტი: