ბიზნესმენ ქიბარ ხალვაშის ადვოკატმა, პაატა სალიამ სტრასბურგის სასამართლოს დღევანდელი გადაწყვეტილება მოამბის ეთერში შეაფასა. როგორც სალია ამბობს, მისთვის ჯერ მხოლოდ ის ინფორმაციია ცნობილი, რომ სტრასბურგმა უზენაესი სასამართლოს გადაწყვეტილების აღსრულება გაახანგრძლივა.

იგი აცხადებს, რომ როგორც ფაქტი ის არის უპრეცენდენტო, ვინაიდან ასეთ შემთხვევებში, არასდროს არ მიუღია სასამართლოს გადაწყვეტილება აღსრულების შეჩერების თაობაზე:

"საინტერესო იქნება, სასამართლოს გადაწყვეტილების შინაარსი და მოტივაცია დასაბუთდეს".

მისივე განცხადებით, სტრასბურგის გადაწყვეტილება ვერ გააუქმებს უზენაესის გადაწყვეტილებას და თუკი საბოლოოდ კონვენციის დარღვევა დადგინდება, ეროვნულმა სასამართლომ ხელხალი განხილვა უნდა დაიწყოს:

"არსებითად უნდა განიხილოს სტრასბურგის სასამართლომ და შემდეგ მისი გადაწყვეტილების მიხედვით გვეცოდინება რა პროცედურები შეიძლება განხორციელდეს საქართველოში. მფლობელობის შესახებ გადაწყვეტილებას სტრასბურგი ვერ მიიღებს, ასეთი გაადაწყვეტილება უნდა მიიღონ ეროვნულ დონეზე. სტრასბურგის სასამართლომ უნდა იმსჯელოს იმაზე, დაირღვა თუ არა სამართლიანი სასამართლოს უფლება, რუსთავი 2-ის წარმომადგენლების, ყარამანიშვილების მიმართ და თუკი ამას ჩათვლის, ეს გახდება საქართველოში პროცესის ხელახლა დაწყების საფუძველი და არა გადაწყვეტილების გაუქმების".

სტრასბურგის ადამიანის უფლებათა ევროპულმა სასამართლომ, უზენაესი სასამართლოს გადაწყვეტილების აღსრულება, რუსთავი 2-ის საქმეზე, უვადოდ შეაჩერა.