საქართველოს საერთაშორისო კონფერენციის ფარგლებში ევროპული საბჭოს პრეზიდენტი, შარლ მიშელი, მოლდოვის პრეზიდენტი, მაია სანდუ და უკრაინის პრეზიდენტი ვოლოდიმირ ზელენსკი ეწვევიან.

როგორც შარლ მიშელის სამუშაო ვიზიტის დღის წესრიგშია აღნიშნული, 19 ივლისს კონფერენციაზე საქართველოდან წარმოდგენილები იქნებიან პრემიერმინისტრი, ირაკლი ღარიბაშვილი და საქართველოს პრეზიდენტი, სალომე ზურაბიშვილი. შეხვედრის შემდეგ დაგეგმილია პრესკონფერენციაც.

20 აპრილს საქართველოს პრეზიდენტმა, სალომე ზურაბიშვილმა განაცხადა, რომ ევროპული საბჭოს პრეზიდენტს, შარლ მიშელს შესთავაზა, კონფერენცია, რომელიც ბათუმში ივლისში ტარდება, ასოცირების სამიტად გადაიქცეს და უკრაინისა და მოლდოვას პრეზიდენტებიც ეწვიონ. აღნიშნულ შეთავაზებას ერთობლივი განცხადების დროს გამოეხმაურა შარლ მიშელიც და თქვა, რომ ამ იდეას მიესალმება.