რუსთავი 2-ის საქმეზე კომენტირებისას, ქართული ოცნების ერთ-ერთმა წარმომადგენელმა ზაქარია ქუცნაშვილმა არხს პარტიული ტელევიზია უწოდა:

"რუსთავი 2 არაა ობიექტური მედია, აქედან გამომდინარე, ისინი ამოფარებული არიან კრიტიკას, პოლიტიკური მოტივებით ანგაჟირებულ კრიტიკას და ამით სპეკულირებენ საზოგადოებაში, თორემ რა ობიექტური ტელევიზია ეგ არის. ესაა პარტიული ტელევიზია, რომელიც ფაქტებს აყალბებს ძალიან ხშირ შემთხვევებში".

ამის შემდეგ ქუცნაშვილმა ჟურნალისტებს სხვა თემაზე სთხოვა კითხვების დასმა:

"სხვა შეკითხვები არის? თუ ამათი ისინი ხართ თქვენც? დაანებეთ სტრასბურგს თავი, თქვენი მთელი პოლიტიკური დავალება მდგომარეობს ერთ რამეში, გვარამიამ მოგცათ დავალება, რომ ჩაწეროთ პოლიტიკოსები და ცუდი ათქმევინოთ სტრასბურგზე და გადააგზავნოთ მერე სტრასბურგში".