ამერიკის შეერთებული შტატების ელჩი საქართველოში იან კელი, სტრასბურგის ადამიანის უფლებათა ევროპულ სასამართლოში რუსთავი 2-ის საქმის განხილვაზე საუბრობს.

რუსთავი 2-ის თარგმანის მიხედვით, იან კელისთვის დაუშვებელია, რომ ევროპულ სასამართლოზე ვინმეს ზეწოლის მოხდენა შეეძლოს:

"ადამიანის უფლებათა ევროპული სასამართლო, ძლიერი და დამოუკიდებელი ინსტიტუტია. არანაირი დაშინების საფრთხეს ვერ ვხედავ ამ ინსტიტუტის მიმართ. ჩემი აზრით, მთავარია მივცეთ სხვადასხვა სასამართლო ინსტიტუტს, შეამოწმოს საქმის ყველა მხარე. ნებისმიერ დემორკატიულ საზოგადოებაში, ეს არის სამართლიანობის საფუძველი. ვერც კი დავუშვებ, რომ ევროპულ სასამართლოზე ვინმე ზეწოლას ახდენდა".

2 მარტს ტელეკომპანია რუსთავი 2 საქართველოს უზენაესმა სასამართლომ მის ძველ მფლობელს, ქიბარ ხალვაშსა და მის კომპანიას მიაკუთვნა. არხის იურისტებმა გადაწყვეტილების გაცნობის შემდეგ სტრასბურგის ადამიანის უფლებათა სასამართლოს მიმართეს. სტრასბურგის სასამართლომ საქართველოს უზენაესი სასამართლოს გადაწყვეტილების აღსრულება 8 მარტამდე შეაჩერა.