მოქალაქე, გოგა გოგია ამბობს, რომ გუშინ, გვიან ღამით, დედაენის ბაღში ძალადობრივმა ჯგუფებმა სცემეს. On.ge-სთან ის ამბობს, რომ თავს განსხვავებული ჩაცმულობის გამო დაესხნენ. მისი თქმით, შემთხვევა ღამის პირველი-ორ საათისთვის მოხდა.

გოგა გოგიას თქმით, აგრესიული პირები მას შეურაცხყოფას აყენებდნენ და ჰომოფობიური ტერმინებით მოიხსენიებდნენ. როგორც ის გვეუბნება, მოძალადეებს თან დანაც ჰქონდა, რომელიც დემონსტრაციულად აჩვენეს.

"მეგობრებთან ერთად ვიყავი და ვერთობოდით. ცეკვა-ცეკვით წამოვედი და ამ დროს ხმა გავიგონე: "ეს *ლე, პიდარასტი ნახეო". მერე მკითხეს, მოსაწევი არ გაქვსო? არა-მეთქი, ვუპასუხე. მაშინ ტელეფონი მოგვეცი და ვიშოვითო. შემდეგ გინება დამიწყეს. მე უკან-უკან ვიწეოდი, წყნარად ველაპარაკებოდი და ამაზე უფრო გაღიზიანდნენ. რამდენჯერმე დამარტყეს. ვყვიროდი პატრულს გამოვიძახებ-მეთქი", — იხსენებს გოგია.

დაშავებული ამბობს, რომ ადგილზე პატრული მივიდა და მისი ინფორმაციით ოთხი ადამიანი დააკავეს, სადაინაც ოთხი თვითონ ამოიცნო, ორი კი თვითმხილველებმა.

დაკავებულებზე დამატებითი ინფორმაციის მისაღებად, On.ge შინაგან საქმეთა სამინისტროს დაუკავშირდა. უწყებაში გვითხრეს, რომ მომხდარს გაარკვევენ და გაგვაგებინებენ. მათ პასუხს მიღებისთანავე შემოგთავაზებთ.