ქართული ოცნებისა და საპარლამენტო უმრავლესობის წევრი, ნუკრი ქანთარია ამბობს, რომ სტრასბურგის სასამართლოს ასეთი სწრაფი გადაწყვეტილება რუსთავი 2-ის საქმეზე, მისთვის მოულოდნელი იყო:

"ჩემთვისაც და მე მგონი ყველასთვის უცნაური იყო ასეთი სრაფი ელვა დეპეშა მორიგე მოსამართლის მხრიდან. როგორც ჩანს მართლა შეშფოთდა და შეშინდა. შეიძლება რუსთავი 2-მა დამატებით იმედის დარბევის კადრებიც კი გადაუგზავნა. მართლაც ასეთი სწრაფი უპრეცედენტო გადაწყვეტილება იყო. მეორეს მხრივ ვფიქრობ, რომ კარგია, რომ ეს დარჩა სამართლებრივ სივრცეში".

რუსთავი 2-ის საქმესთან დაკავშირებით უზენაესი სასამართლოს დიდი პალატის მიერ გამოტანილი გადაწყვეტილების მეორე დღესვე, სტრასბურგის ადამიანის უფლებათა სასამართლომ ამ გადაწყვეტილების აღსრულება შეაჩერა.