16 წლიანი ფინანსური დანაკარგების შემდეგ General Motors-მა თავისი ევროპული ბიზნესი გაყიდა. ამ ტრანზაქციის შედეგად კომპანია $2,3 მილიარდს მიიღებს. აქედან $1,4 მილიარდი ოპელისა და ვოქსოლის ბრენდებში პეჟომ გადაიხადა, ხოლო დანარჩენ $995 მილიონად იმავე პეჟომ და BNP Paribas SA-მ GM-ის ფინანსური აქტივები შეისყიდეს.

როგორც Wall Street Journal იუწყება, გარიგება ოფიციალურად წლის ბოლომდე გაფორმდება, რის შედეგადაც პეჟო ევროპულ ბაზარზე, ფოლკსვაგენის შემდეგ, სიდიდით მეორე ავტომწარმოებელი გახდება.

CNN-ის ცნობით, ოპელმა და ვოქსოლმა ბოლო 16 წლის განმავლობაში $18 მილიარდიანი ზარალი განიცადეს.