საზოგადოებრივი მაუწყებლის სამეურვეო საბჭოს წევრმა, მარინა მუსხელიშვილმა მედიაკონფერენციაზე განაცხადა, რომ მაუწყებლის გადაცემები მხოლოდ რეიტინგებით არ შეფასდება.

მუსხელიშვილის თქმით, შესაძლოა, საზოგადოებრივ მაუწყებელზე არსებობდეს პროდუქტები, რომელთაც თავისი ნიშა აქვთ, მაგრამ შეიძლება სხვა გადაცემებთან შედარებით ნაკლები რეიტინგი ჰქონდა. მისივე თქმით, გადაცემების დამზადების დროს გათვალისწინებული უნდა იყოს რა და რისთვის კეთდება. გარდა ამისა, იგეგმება, საკონკურსო სისტემის შემოღება, რომელიც გადაცემების შერჩევის სამართლიანი სისტემა იქნება.

მუსხელიშვილი მაუწყებლის მიერ ფინანსების დაზოგვასაც შეეხო. ის აღნიშნავს, რომ აღარ მიხდება "ნაჩქარევი ეკონომიის" გაწევა, თუმცა მაუწყებელი შენობისა და ტექნიკის საჭიროებიდან გამომდინარე გრძელვადიანად დაზოგავს ფინანსებს.

საზოგადოებრივი მაუწყებლის მენეჯმენტის თქმით, გადაცემების სამფერიანი დაყოფა აღარ იქნება და გადაცემებს მენეჯმეტი შეაფასებს. აღნიშნულ გეგმას ხვალ სამეურვეო საბჭო განიხილავს და კენჭს უყრის.