29 ივნისს, კავკასიის უნივერსიტეტის დიდ დარბაზში ინსტიტუციური და შესაძლებლობების განვითარების ცენტრმა (ICDC), "სტაჟირების და სამუშაო ადგილზე სწავლის შესაძლებლობის ხელშემწყობა სტუდენტებისთვის" პროექტის დახურვის ცერემონიალი ჩაატარა. პროგრამა განხორციელდა USAID ის ეკონომიკური უსაფრთხოების პროგრამის მხარდაჭრით და დაფინანსებით.

ღონისძიებას ესწრებოდნენ — მარიკა ოლსონი, USAID Georgia-ს ეკონომიკური განვითარების ოფისის დირექტორი. დავით წიკლაური, USAID Georgia-ს კერძო სექტორის განვითარების უფროსი მრჩეველი, მარკ მაკკორდი, USAID-ს ეკონომიკური უსაფრთხოების პროგრამის ხელმძღვანელი, ნუნუ მიცკევიჩი საქართველოს განათლებისა და მენიერების მოადგილე, USAID-ის სხვა პროგრამის წარმომადგენლები, ბიზნეს კომპანიების ხელმძღვანელი პირები და პროექტის სტაჟიორები.

პროექტის ფარგლებში შეირჩა 100 სტუდენტი და კურსდამთავრებული, რომლებმაც 50-ზე მეტ სხვადასხვა ბიზნეს კომპანიაში გაიარეს 3 თვიანი ანაზღაურებად სტაჟირება. პროექტის შედეგად 61-ი სტაჟიორი დასაქმდა 30-ზე მეტ ბიზნეს კომპანიაში.

სტაჟირების ფარგლებში შერჩეულმა პირებმა სხვადასხვა დარგების საქმიანობის შესაბამისად მიიღეს პროფესიული ცოდნა და კარიერული განვითარებისთვის საჭირო პრაქტიკული უნარ-ჩვევები. შესაბამისად პროექტის ფარგლებში ახალგაზრდების დასაქმების მაჩვენებელი უპრეცედენტოა და აღწევს 80%-ს. პროექტი მოიცავდა ბიზნეს კომპანიებისთვის სტაჟიორების შერჩევას შემდეგი მიმართულებებით:

• ტურიზმის სექტორი: (სათავგადასავლო / მთის, კულტურული, გასტრონომიული -ღვინო და კულინარია, განთავსება);
• კრეატიული ინდუსტრიის სექტორი: (ნებისმიერი სახის მედია შინაარსის - მათ შორის სოციალური ქსელების მართვა);
• მსუბუქი მრეწველობის სექტორი: (ავეჯის წარმოება, შეფუთვის სამუშაოები);
• ინტელექტუალური მომსახურების სექტორი: (ბიზნეს პროცესების აუთსორსინგი (BPO): ინფორმაციული ტექნოლოგიები, მომხმარებელთა ურთიერთობების მენეჯმენტი, არქიტექტურა, დიზაინი და ინჟინერია, ფინანსები და ბუღალტრული აღრიცხვა. ადამიანური რესურსები);
• სექტორები, რომლებიც მნიშვნელოვანია ყველა ინდუსტრიის განვითარებისთვის: (საინფორმაციო და კომუნიკაციის ტექნოლოგია, ელექტრონული კომერცია- online გაყიდვები და სხვა, ასევე ტრანსპორტი და ლოჯისტიკა).

პროექტი განხორციელდება საქართველოს 4 რეგიონში — თბილისი, იმერეთი, აჭარა, სამეგრელო.

შერჩეულ ახალგზარდებს შესაძლებლობა ქონდათ დასწრებოდნენ შეხვედრებს და მასტერკლასებს დასაქმებისა და კარიერული განვითარებისთვის მნიშვნელოვან შემდეგ საკითხებზე — დასაქმების უნარ-ჩვევები, ინტერვიუს ტექნიკები, ორგანიზაციაში ადაპტაცია, შრომის უფლებები.

პროექტში აქტიური ჩართულობის ხელშესაწყობად გაფორმდა ურთიერთანამშრომლობის მემორანდუმები:

• პროფესიულ საგანმანათლებლო დაწესებულებებთან;
• უმაღლეს საგანმანათლებლო დაწესებულებებთან;
• ბიზნეს კომპანიებთან
• ბიზნეს და დარგობრივ ასოციაციებთან

სტაჟიორების მთელი პერიოდის განმავლობაში ICDC სტაჟირების ხელშეკრულებით განსაზღვრული უფლება-მოვალეობების შესრულების, ასევე სტაჟიორის უფლებების დაცვის მონიტორინგს.

განხორციელებული პროექტის შედეგად, სტაჟირების გავლის შემდგომ ახალგაზრდების დასაქმების მაჩვენებელი უპრეცედენტოდ მაღალია.