ბევრ სპორტსმენს, ვინც წარმატებს აღწევს, გვიფასდებოდა და გვიფასდება პრემიების სახით. მაინტერესებს, ხომ არ იგეგმება პრემიების ცვლილებაზე მთავრობის მხრიდან რეფორმა? — შესაბამისი კითხვით „ქართული ოცნების“ დეპუტატმა, ლაშა ტალახაძემ კულტურისა და სპორტის მინისტრობის კანდიდატს, თინათინ რუხაძეს, კომიტეტების გაერთიანებულ სხდომაზე ჰკითხა.

"სანაკრებო დონეზე სპორტში 2012 წლიდან ჩართული ვარ. ვხედავ როგორ წინ მივიწევთ და ვითარდება სპორტი. ეს, რა თქმა უნდა, მთავრობის მხარდაჭერაა და მადლობა ამ გვერდში დგომისთვის. ვიტყვი, რომ არამარტო პირად სახეობებში, არამედ გუნდურ სახეობებში ძალიან დიდი წინსვლა გვაქვს. მინდა, რომ ეს ასე გაგრძელდეს. ბევრჯერ მიფიქრია და ჩემი სპორტული გამოცდილებიდან გამომდინარე ვფიქრობ - ხოლმე, რომ ალბათ წარმატების პიკში ვართ. ახლა სჭირდება სპორტს ყველაზე დიდი ხელშეწყობა. მჯერა და მწამს, რომ ჩვენ ვიქნებით ის ადამიანები, ვინც კიდევ უფრო მეტად განავითარებს სპორტს. ბევრ სპორტსმენს, ვინც წარმატებს აღწევს, გვიფასდებოდა და გვიფასდება პრემიების სახით. ზუსტად ეს მაინტერესებს, ხომ არ იგეგმება პრემიების ცვლილებაზე მთავრობის მხრიდან რეფორმა?," — განაცხადა ლაშა ტალახაძემ.

ლაშა ტალახაძეს კულტურისა და სპორტის მინისტრობის კანდიდატმა თინათინ რუხაძემ უპასუხა, რომ სპორტის სამინისტრო გამოყოფის შემდეგ, მინისტრობის დაანონსებული კანდიდატი, შალვა გოგოლაძე სპორტსმენების პრობლემებზე ნაყოფიერად იმუშავებს.