"უკვე ბევრი წითელი ხაზი გადაიკვეთა და ეს არჩევნები დიდი დარტყმა იყო საქართველოს მოქმედი მთავრობის ნდობაზე", — მთავარი არხის ინფორმაციით, ამის შესახებ ევროპარლამენტარმა, პეტრას აუსტრევიჩუსმა განაცხადა.

"აქ, ბრიუსელში ყველა ასე ფიქრობს, გაიარეთ და ჰკითხეთ ხალხს. საქართველომ უღალატა თავის პირობას, რომ კანდიდატი ქვეყნის ვალდებულებების შეასრულებდა. ევროკავშირი არ გაიზიარებს ქართული ოცნების სტანდარტებს, არასდროს.
ჩვენს კავშირს ბევრი რამ გამოუვლია (ომებიც, მათ შორის) და ახლა ჩვენ გვინდა, რომ სხვანაირი ცხოვრებით ვიცხოვროთ — თუ თქვენც გინდათ შემოგვიერთდეთ, მაგრამ ჩვენ არ შევუერთდებით პრორუსული ქვეყნების ფრთას.
ევროპარლამენტი ძლიერ სიგნალს უგზავნის ქართველ ხალხს, საზოგადოებას - თუ ჩვენ არ ვაღიარებთ ამ არჩევნების შედეგებს და ლეგიტიმურობას ესე იგი, ჩვენ მიგვაჩნია, რომ არსებობს ხალხი, ვინც გააყალბა არჩევნები და ქვეყანა სულ სხვაგან მიჰყავს.
ამიტომ, ეს ხალხი უნდა იყოს დასანქცირებული და ჩვენი რეზოლუცია პირველი ნაბიჯია ამ მიმართულებით.
ჩვენ უნდა განვიხილოთ კონკრეტული ნაბიჯები როგორ ვიმოქმედებთ, რადგან თუ არ ვიმოქმედეთ, ჩვენ არსებულ სიტუაციას ვუჭერთ მხარს, რაც არის გზა არსაით.
სიტუაცია მოითხოვს ქმედებებს და პასუხისმგებლიან რეაქციას", — ამბობს ევროპარლამენტარი