ქართული ოცნების განათლების მინისტრობის კანდიდატ ალექსანდრე წულაძეს ჟურნალისტებმა სთხოვეს შეეფასებინა ქართული ოცნების პრეზიდენტობის კანდიდატი, რომელსაც საჯაროდ ხელმისაწვდომი წყაროების მიხედვით, უმაღლესი განათლების დამადასტურებელი დიპლომი არ აქვს.


"ბატონი ყაველაშვილის კანდიდატურა და მოგეხსენებათ ახალი კანონმდებლობით როგორც აწესრიგებს პრეზიდენტის არჩევას ახალი კანონმდებლობა საქართველოში, ის გუნდის მიერ დასახელდა, ჩემთვის რამდენადაც ცნობილია ის კომპეტენტური და ღირსეული ადამიანია. გუნდის მიერ ბატონი მიხეილ ყაველაშვილი დასახელდა, ის აკმაყოფილებს ყველა იმ მოთხოვნას, რომელსაც ჩვენი კანონმდებლობა მოითხოვს", — თქვა ალექსანდრე წულაძემ.

ქართულმა ოცნებამ პრეზიდენტობის კანდიდატად მიხეილ ყაველაშვილი დაასახელა. ყაველაშვილი ყოფილი ფეხბურთელია.
საჯაროდ ხელმისაწვდომი წყაროების მიხედვით, მას უმაღლესი განათლების დამადასტურებელი დიპლომი არ აქვს.