ევროპული საქართველოს ერთ-ერთი ლიდერი ოთო კახიძე სტრასბურგის სასამართლოს მიერ საქართველოს უზენაესი სასამართლოს მიერ მიღებული გადაწყვეტილების აღსრულების შეჩერებას გამოეხმაურა.

მისი თქმით, სტრასბურგის სასამართლომ ხელისუფლებას პირდაპირ აუკრძალა რუსთავი 2-ის სარედაქციო პოლიტიკაში ნებისმიერი ფორმით ჩარევა.

"ადამიანის უფლებათა ევროპული სასამართლო გამოვიდა გარანტად, რომ რუსთავი ორი ენტევეს ბედს არ გაიზიარებს და საქართველოს პუტინიზაცია ვერ მოხდება. ეს არის უპრეცედენტო გადაწყვეტილება ამ ტიპის საქმეზე, რადგან აქამდე შეჩერების მექანიზმი გამოიყენებოდა მხოლოდ სიცოცხლის, წამებისგან დაცვის და პატიმართა ექსტრადირების საქმეებზე" - წერს კახიძე ფეისბუკზე.

რუსთავი 2-ის საქმესთან დაკავშირებით უზენაესი სასამართლოს დიდი პალატის მიერ გამოტანილი გადაწყვეტილების მეორე დღესვე, სტრასბურგის ადამიანის უფლებათა სასამართლომ ამ გადაწყვეტილების აღსრულება შეაჩერა.

ნახეთ, რა წერია სტრასბურგის სასამართლოს გადაწყვეტილებაში.