დეპუტატი რომან გოცირიძე პრეზიდენტ სალომე ზურაბიშვილს მოუწოდებს შეუერთდეს ლგბტქ+ თემის ღირსების მარშს. გოცირიძის თქმით, ეს იქნება კონსტიტუციის დაცვისა და ცივილიზებულობის ნიშანი.

"კონსტიტუციის გარანტი და დამცველი ქვეყანაში არის პრეზიდენტი. კეთილი ინებოს პრეზიდენტმა — იცის ლამაზად და კოხტად ჩაცმა, ევროპული წარმომავლობისაა, გაიკეთოს ცისარტყელისფერი კაშნე, თუ შარფი, მოკიდოს ხელი თავის პირად მოძღვარს, მივიდეს და შეუერთდეს აქციას და აჩვენოს ცივილიზებულობის ნიშანი. აჩვენოს, რომ ის იცავს კონსტიტუციას. მერე ამას მიბაძავს პრემიერმინისტრი; მერე, აგერ, პარტიის თავმჯდომარე, რომელმაც განაცხადა, რომ ეს არ უნდა შედგეს გარკვეულ გარემოებათა გამო. [იქნებ] იმ თავმჯდომარესაც გონება გაუნათლდეს", — განაცხადა რომან გოცირიძემ.

5 ივლისს Tbilisi Pride ღირსების მარშს გამართავს, რომელიც კვირეულის ფარგლებში ეწყობა. მარშის სლოგანია "გამოდი სოლიდარობისთვის".

გაიგე მეტი: