ივლისში დაგეგმილ ღირსების მარშზე დასმული კითხვის პასუხისას პრემიერმინისტრი ირაკლი ღარიბაშვილის ამბობს, რომ ისინი ყველა მოქალაქე სიცავენ. ამასთან, მან თქვა, რომ "ასეთი ფორმით, ასეთი ნიშნით უმცირესობებზე საუბარი, სწორედ არის დისკრიმინაციის წახალისება", თუმცა კონკრეტულად რა იგულისხმა, არ დაუზუსტებია.

რესპუბლიკური პარტიის ლიდერმა, ხათუნა სამნიძემ პარლამენტში პრემიერმინისტრს მოუწოდა, მიეცა გარანტია ხალხისთვის, რომ ღირსების მარშზე დაცულები იქნებიან. თავდაპირველად რარიბაშვილმა დეპუტატის კითხვას პასუხი არ გასცა, ჩაკითხვის შემდეგ კი განმარტა, რომ "გამორჩა".

პარლამენტის ტრიბუნიდან ღარიბაშვილმა თქვა, რომ ვიზალიბერალიზაციის სამოქმედო გეგმაზე მუშაობის პერიოდში მათ ანტიდისკრიმინაცული კანონი მიიღეს, ასევე კონსტიტუციაში ოჯახი განმარტება შეიტანეს.

"შესაბამისად კანონითა და კონსტიტუციით არის ნებისმიერი მოქალაქის უფლება დაცული. ამაზე ზედმეტი აპელირება, ზედმეტი აჟოიოტაჟის ატეხვა, ჩემი აზრით, მიმაჩნია არასწორად. ჩვენ ამით ამ ადამიანების უფლებებს ვარღვევთ. მე ასე მიმაჩნია.

არავინ არ განსხვავდება არავითარი ნიშნით. ამ ადამიანებს იცავს კანონი. და საერთოდ, ასეთი გამოყოფა და დისკრიმინაცია, სწორედ ეს არის. ასეთი ფორმით, ასეთი ნიშნით უმცირესობებზე საუბარი, მიმაჩნია, რომ სწორედ არის დისკრიმინაციის წახალისება", — განაცხადა ირაკლი რარიბაშვილმა.