"პროცესი პოლიტიკოსების ჩარევის შედეგად თავიდანვე პოლიტიზირებული გახდა", - ასე შეაფასა პრეზიდენტმა გიორგი მარგველაშვილმა რუსთავი 2-ის საქმის ირგვლივ მიმდინარე მოვლენები და სასამართლოს გადაწყვეტილება.

გიორგი მარგველაშვილის თქმით, საკითხის პოლიტიზირება 2015 წლის 22 ოქტომბერს, მაშინდელი პრემიერმინისტრის მიერ მთავრობის სხდომაზე გაკეთებული განცხადების შემდეგ დაიწყო:

"მაშინ, ფაქტობრივად დავდექით სამოქალაქო დაპირისპირების საშიშროების წინაშე. მაშინვე დამჭირდა ძალიან მკაფიო განცხადებების გაკეთება იმისათვის, რომ პროცესი ქუჩიდან და სამოქალაქო დაპირისპირებიდან გადმომეყვანა მოლაპარაკებების რეჟიმში".

პრეზიდენტი საზოგადიებას მიმართავს, რომ რუსთავი 2 არ არის უბრალოდ ბიზნესი, ისევე როგორც ნებისმიერი სხვა მედიასაშუალება და რომ ის წარმოადგენს საზოგადოებრივი ცხოვრების მნიშვნელოვან კომპონენტსა და კრიტიკული აზრის გამოხატვის შესაძლებლობას.

პრეზიდენტის განცხადებით, საერთაშორისო თანამებგობრობა რუსთავი 2-ის დავას არა უბრალოდ პროცესს, არამედ პოლიტიკურ პროცესად ხედავს, რომელიც გავლენას ახდენს საქართველოში მედიის თავისუფლებაზე.

პრეზიდენტი ყველა მხარეს მყისიერი ნაბიჯებისაგან თავის შეკავებისკენ მოუწოდებს, რომ პირველ რიგში დაელოდონ საკონსტიტუციო სასამართლოსა და სტრასბურგის ადამიანის უფლებათა ეროვნული სასამართლოს გადაწყვეტილებებს.