ქუთაისში ბავშვის მიმართ სექსუალურ ქმედებაში ბრალდებულს პატიმრობა შეეფარდა. საქმეზე განხილვები გაგრძელდება და სასჯელთან დაკავშირებით მოსამართლის საბოლოო გადაწყვეტილება ამის შემდეგ გახდება ცნობილი.

ბავშვის მიმართ სექსუალური ქმედების ბრალდებით კაცის დაკავების შესახებ გუშინ, 25 ივნისს გახდა ცნობილი. შსს-ში On.ge-ს უთხრეს, რომ გამოძიება დაწყებულია საქართველოს სისხლის სამართლის კოდექსის 138-ე მუხლით, რომელიც სექსუალური ხასიათის სხვაგვარ ქმედებას გულისხმობს.