თავდაცვის მინისტრმა ლევან იზორიამ, რუსთავი 2-ის საქმეზე გამოტანილი გადაწყვეტილება შეაფასა და თქვა, რომ იგი აბსოლუტურად მისაღები და პატივსაცემია.

ლევან იზორია აღნიშნავს იმასაც, რომ ეს გადაწყვეტილება იყო საზოგადოების დაკვეთა და არა პიროვნებების:

"მე დარწმუნებული ვარ, რომ რუსთავი 2 ფუნქციონირებას გააგრძელებს კანონიერი მფლობელის ხელში. ჩვენ პატივი უნდა ვცეთ სასამართლოს გადაწყვეტილებას და დარწმუნებული ვარ მეორეში - რუსთავი 2, როგორც სხვა მაუწყებლობა, გააგრძელებს თავისუფალი მედიის არსებობის პირობებში მოღვაწეობას. ეს არის საზოგადოების დაკვეთა და არა პიროვნებების, რომ საზოგადოება იყოს პლურალისტური. სასამართლოს გადაწყვეტილება ყველა დემოკრატიულ ქვეყანაში არის დიდი ლეგიტიმური საფუძვლის მქონე. ამ ეტაპზე, ეს გადაწყვეტილება აბსოლუტურად მისაღებია, იმიტომ რომ სასამართლომ თავისი სიტყვა თქვა".

გუშინ, საქართველოს უზენაესი სასამართლოს გადაწყვეტილებით, ტელეკომპანია რუსთავი 2-ის წილების მფლობელი ქიბარ ხალვაში და მისი კომპანია გახდნენ.