22 ივნისიდან ღია სივრცეში პირბადის ტარება სავალდებულო აღარ იქნება. ამის საკოორდინაციო საბჭოს სხდომის შემდეგ პრემიერმინისტრმა, ირაკლი ღარიბაშვილმა განაცხადა.

"პირბადის ტარების რეკომენდაცია რჩება ძალაში და ვისაც სურვილი აქვს, ცხადია, პირბადე უნდა ატაროს. ხოლო დახურულ სივრცეებში, საზოგადოებრივ ტრანსპორტში და ასევე, საზოგადოებრივი ტრანსპორტის გაჩერებებზე პირბადის ტარება კვლავ რჩება სავალდებულო",— განაცხადა გიორგი ღიბრაძემ, საკოორდინაციო საბჭოსთან არსებული ოპერაციული შტაბის უფროსმა.

დაავადებათა კონტროლისა და საზოგადოებრივი ჯანდაცვის ეროვნული ცენტრის ხელმძღვანელის, ამირან გამყრელიძის თქმით, პირბადის ტარება კვლავ მიზანშეწონილია.

"მიზანშეწონილია ჯერჯერობით პირბადე ვატაროთ, მაგრამ, ის არ იქნება მანდატორული", — განაცხადა გამყრელიძემ.

გაიგე მეტი: