ფოთისა და ხობის მიტროპოლიტის, მეუფე იაკობის განცხადებით, უკეთესი იქნებოდა, რომ ნინოწმინდის პანსიონის საკითხზე მეუფე სპირიდონს გაეკეთებინა ის, რაც იაკობმა ქნა. მისივე თქმით, ქვეყანაში ყველა ინსიტუციაში არსებობს პრობლემა, მაგრამ მნიშვნელოვანია მისთვის თვალი გასწორება.

"ის რაც მეუფე იაკობმა აღასრულა, ეს რომ მეუფე სპირიდონს გაეკეთებინა, ალბათ, უკეთესი იქნებოდა და არ გახდებოდა მსოფლიოს სალაპარაკო ეს პრობლემები, რომლებიც არის, ალბათ არის.

არ მეგულება ინსტიტუცია, სადაც არ იყოს პრობლემა და სირთულე, უბრალოდ, ამას სჭირდება თვალის გასწორება, დაძლევა, გადალახვა. ამას სჭირდება აღიარება, რა თქმა უნდა, იდენთიფიკაცია იმ პრობლემებისა, რომელიც შენს ორგანიზმში არის", — განაცხადა მან ჟურანლსიტებთან.

მისივე თქით, მედი აქვს, რომ სინოდი იმსჯელებს ყველა მნიშვნელოვან საკითხზე, რაც დღეს არის დაგროვილი, თუმცა უცნობია, როდის შეიკრიბება სინოდი.

13 ივნისს საპატრიარქოში გაიმართა შეხვედრა, სადაც სასულიერო პირები ევროკავშირის ელჩთან და ბავშთა უფლებებზე მომუშავე ორგანიზაციებთან ერთად ნინოწმინდის პანსიონზე მსჯელობდნენ. შეხვედრის შემდეგ ყველა მხარემ განაცხადა, რომ მთავარია ბავშვის საუკეთესო ინტერესებზე ზრუნვა და ამაზე თანხმდებიან.

შეხვედრიდან ერთ დღეში ცნობილი გახდა, რომ მეუფე სპირიდონი პანსიონის ხელმძღვანელი აღარ იქნება და ის ბოდბელმა მთავარეპისკოპოსმა იაკობმა შეცვალა.

17 ივნისს სახალხო დამცველსა და მეუფე იაკობს შორის გამართული შეხვედრის შემდეგ ცნობილი გახდა, რომ ნინო ლომჯარია მომდევნო კვირას ნინოწმინდის პანსიონში მეუფე იაკობთან ერთად ჩავა. ლომჯარიას თქმით, ერთობლივად მისვლა ბავშვებში არსებული გარკვეული გაუცხოებას აღმოფხვრის და ვითარებას განმუხტავს. ამის შემდეგ კი პანსიონში მუშაობას სახალხო დამცველის წარმომადგენლები გააგრძელებენ.