ლიეტუვის პრეზიდენტმა, გიტანას ნაუსედამ NATO-ს სამიტის დაწყებამდე განაცხადა, რომ რუსეთს მათი ერთიანობა უნდა უჩვენონ. მისი თქმით, მუდამ ახსოვთ საქართველო და უკრაინა.

"მივესალმებით NATO-ს ღია კარის პოლიტიკას. პირველ რიგში, მუდამ გვახსოვს ჩვენი მეზობლები და მეგობრები, საქართველო და უკრაინა, გაცემული პირობა უნდა შესრულდეს. მინდა, შეგახსენოთ 2008 წლის ბუქარესტში მიღებული გადაწყვეტილება აღმოსავლეთ პარტნიორობის წევრ ქვეყნებთან დაკავშირებით, რუსეთს უნდა ვაჩვენოთ, რომ NATO არის ერთიანი", — თქვა მან (ფორმულას თარგმანი).

14 ივნისს ბრიუსელში NATO-ს სამიტი იმართება, სადაც ალიანსის წევრი ქვეყნების ლიდერები დახურულ კარს მიღმა საქართველოზეც იმსჯელებენ. დღესვეა დაგეგმილი დასკვნით დოკუმენტის მიღება.