ისრაელის პარლამენტმა ახალი კოალიციური მთავრობა დაამტკიცა, რაც ნიშნავს იმას, რომ ქვეყნის პრემიერმინისტრი, ბენიემინ ნეთანიაჰუ აღარ იქნება. ინფორმაციას ადგილობრივი მედია ავრცელებს.

ისრაელის ახალი პრემიერმინისტრი ნაფტალი ბენეტი იქნება 2023 წლის სექტემბრამდე, შემდეგ კი მას იაირ ლაპიდი შეცვლის. აღნიშნულ გადაწყვეტილებას მხარი 60-მა დეპუტატმა დაუჭირა, 59 წინააღმდეგი იყო, 1-მა კი თავი შეიკავა.

ისრაელში პრემიერმინისტრ ბენიამინ ნეთანიაჰუს მოწინააღმდეგე ოპოზიციური პარტიები კოალიციის შექმნაზე 3 ივნისს შეთანხმდნენ. პარლამენტის ამ გადაწყვეტილებით ნეთანიაჰუს 12-წლიანი მმართველობა დასრულდა.