საქპატენტის ხელმძღვანელი თანამდებობიდან გაათავისუფლეს — რა ვიცით საქმეზე
საქპატენტის ყოფილი ხელმძღვანელი, მინდია დავითაძე აცხადებს, რომ პრემიერმინისტრის, ირაკლი ღარიბაშვილის ბრძანების საფუძველზე სამსახურიდან გაათავისუფლეს. მისი თქმით, მოტივი იყო ის, რომ თანამდებობაზე ყოფილმა პრემიერმინისტრმა, გიორგი გახარიამ დანიშნა.
მის გათავისუფლებას წინ უძღოდა შრომითი დავა, რომელზეც On.ge აგვისტოში წერდა. კერძოდ, საქპატენტის ერთ-ერთი დეპარტამენტის უფროსი, ირაკლი კასრაძე დავითაძეს უკანონო დავალებების მიცემაში ადანაშაულებდა. 5 თებერვალს საქართველოს სახალხო დამცველმა ირაკლი კასრაძის შრომის უფლებების უკანონო შეზღუდვა დაადგინა.
კასრაძემ On.ge-სთან საუბრისას განაცხადა, რომ აღნიშნულ საქმეზე საქპატენტში შრომის ინსპექცია შევიდა და მისი შრომითი უფლებების დარღვევაზე საქპატენტს ადმინისტრაციული სახდელი — გაფრთხილება დააკისრა.
"ეს იყო ჩემი საქმე, დიახ. სახალხო დამცველს მივმართე, მან დამიწერა რეკომენდაცია და ამის შემდეგ შრომის ინსპექციამაც გამოიტანა გადაწყვეტილება, დაეთანხმა სახალხო დამცველის დასკვნას", — თქვა კასრაძემ.
რაც შეეხება დავითაძეს, ის მისი გათავისუფლების ბრძანებას დაუსაბუთებელს, ხოლო შრომის ინსპექციის გადაწყვეტილებას ხარვეზულს უწოდებს.
"ზოგადად, უწყება დამოუკიდებელ ინსტიტუციას წარმოადგენს და მისი ხელმძღვანელი ინიშნება პრემიერის მიერ. გათავისუფლების საფუძვლები ძალიან შეზღუდულია და გათავისუფლების საფუძველი დაეყრდნო, როგორც ჩანს, ამ შრომის ინსპექციის სამსახურის გაფრთხილებას, სხვა საფუძველი მე მგონი, იქ არ არსებობს. ერთი ნიშანდობლივი არის ის, რომ შრომის ინსპექციის გადაწყვეტილება გასაჩივრებულია სასამართლოში, ანუ სასამართლო გადაწყვეტილებაც კი არ არის მიღებული, როდესაც ეს გადაწყვეტილება მიიღო ბატონმა პრემიერმა", — აცხადებს ის.
დავითაძის განცხადებით, შრომის ინსპექცია მისი გათავისუფლებისთვის "ხელოვნური საფუძვლის მიზნით" იყო შესული და რეალური მიზეზი არის "პოლიტიკური ნიშნით დევნა".
"ჩემი პოლიტიკური ნიშნით დევნის მიზნით შრომის ინსპექცია შემოვიდა, რომლის მიზანსაც წარმოადგენდა ხელოვნურად შექმნილიყო რაიმე ტიპის საფუძველი, თითქოსდა ვიღაც თანამშრომლის შრომის უფლებებთან დაკავშირებით. ამ გადაწყვეტილებას მთავრობის ადმინისტრაცია აჩქარებდა — შემჭიდროებულ ვადებში იქნა მიღებული, ჩვენგან ინფორმაციაც ასევე შემჭიდროებულ ვადებში მოითხოვეს. ზოგადად, გადაწყვეტილება, რაც შრომის ინსპექციამ გამოსცა, იყო გაფრთხილება უწყების და ჩვენ, ბუნებრივია, დავიწყეთ სამართლებრივი პროცედურა სასამართლოში, პროცესები უნდა წარმართულიყო, გარკვეულიყო რეალობა, თუმცა მივიღეთ ის, რაც მივიღეთ", — აცხადებს ის.
დავითაძე აღნიშნავს, რომ ბრძანება უკვე გაეგზავნა, მაგრამ მისი გათავისუფლება დასაბუთებული არ არის.
"მე არანაირი დასაბუთება არ ჩამბარებია და საინტერესოა, რა იქნება. ბრძანება გამოიგზავნა, მაგრამ ბრძანება უნდა იყოს დასაბუთებული, ასე არ ხდება, რომ დამოუკიდებელი უწყების ხელმძღვანელი ინიშნებოდეს, ხელისუფლებაში ვიღაც სხვა მოდიოდეს და ის ცვლიდეს ხელმძღვანელს. დასაბუთებაში მეეჭვება რამე ჩაიწეროს, იმიტომ, რომ ეს არის პოლიტიკური ნიშნით დევნა გიორგი გახარიასთან დაკავშრებით", — თქვა მან.
მისივე განცხადებით, ის შეხვდა მთავრობის ადმინისტრაციის უფროს ილია დარჩიაშვილსაც, რომელმაც სამსახურიდან წასვლის შესახებ განცახდების დაწერა მოსთხოვა.
"ილია დარჩიაშვილმა მომთხოვა განცხადების დაწერა და სამსახურიდან წასვლა, იმ მოტივით, რომ დანიშნული ვარ წინა პრემიერის — გიორგი გახარიას მიერ. სხვა მიზეზი, მათ შორის სამართლებრივი არგუმენტები, ვერ მოვისმინე. მოთხოვნის მიუხედავად, რა თქმა უნდა განცხადება არ დავწერე, ვინაიდან საქპატენტი გახლავთ დამოუკიდებელი სახელმწიფო უწყება. თუმცა, როგორც ვხედავთ, ჩემს უარს ხელი არ შეუშლია პრემიერმინისტრისთვის უკანონოდ გავეთავისუფლებინე", — აცხადებს ის.
ირაკლი კასრაძე მინდია დავითაძეს უკანონო დავალებების მიცემაში ადანაშაულებდა. ის ამბობდა, რომ ხელმძღვანელი მისგან ტელეკომპანია მთავარი არხის რეგისტრაციის გაჭიანურებას ითხოვდა. მან დავითაძის ქმედებების შესწავლის მოთხოვნით პროკურატურას განცხადებით 2020 წლის 30 ივლისს მიმართა.
კასრაძე On.ge-სთან აცხადებდა, რომ საქპატენტის ხელმძღვანელისგან მიიღო უკანონო დავალება, რომლის მიხედვით, პრობლემები უნდა შეექმნა გაერთიანებული ოპოზიცია — ძალა ერთობაშიასა და მთავარი არხის სასაქონლო ნიშნის რეგისტრაციისთვის. მისივე განმარტებით, მას შემდეგ, რაც ამ დავალების შესრულებაზე უარი განაცხადა, ბაზაზე წვდომა შეუზღუდეს და უფუნქციოდ დატოვეს.
ის ამბობდა, რომ მეორე დღეს, მან გაერთიანებული ოპოზიციის სასაქონლო ნიშანი დაარეგისტრირა, რის გამოც მინდია დავითაძემ დაიბარა და უთხრა, რომ თუ მთავარი არხის ნიშანზეც იგივე განმეორდებოდა, საკადრო ცვლილებები შეეხებოდა.
კასრაძის თქმით, ბაზაზე წვდომის გამორთვის შემდეგ, მისი უფლებამოსილება სხვას გადააბარეს. მან გენერალურ პროკურატურასა და სახალხო დამცველს მიმართა და ხელმძღვანელის ქმედებების კანონიერების შესწავლა მოითხოვა. საქპატენტში კი ირწმუნებოდნენ, რომ სასაქონლო ნიშნის რეგისტრაციის ირგვლივ კასრაძის ქმედებები რეგისტრაციის პროცესის პოლიტიკური მიზნებით შესაძლო გამოყენების შესახებ კითხვებს აჩენდა, ამიტომ ხელმძღვანელობის გადაწყვეტილებით, მას ჩამოერთვა დელეგირებული უფლებამოსილება და მთავარი არხის სასაქონლო ნიშანი კასრაძის გარეშე დარეგისტრირდა.
-
-
გადახედვასაქართველოს 10 საუკეთესო გამოსვლა ევროვიზიაზე საქართველოს 10 საუკეთესო გამოსვლა ევროვიზიაზე
-
გადახედვამასშტაბური კვლევის თანახმად, ვიაგრა ალცჰაიმერის განვითარების რისკებს 50%-ით ამცირებს მასშტაბური კვლევის თანახმად, ვიაგრა ალცჰაიმერის განვითარების რისკებს 50%-ით ამცირებს
-
გადახედვაახალი რობოტი ადამიანის სახის გამომეტყველებას იმეორებს ახალი რობოტი ადამიანის სახის გამომეტყველებას იმეორებს
-
-
გადახედვამედიაკოალიცია სამართალდამცავ უწყებებს მოუწოდებს, ჟურნალისტ ნატო გოგელიას სახლში შეღწევისა და ქონების დაზიანების ფაქტი დროულად გამოიძიონ მედიაკოალიცია სამართალდამცავ უწყებებს მოუწოდებს, ჟურნალისტ ნატო გოგელიას სახლში შეღწევისა და ქონების დაზიანების ფაქტი დროულად გამოიძიონ
-
გადახედვაროგორ აისახება ყინულის დნობა დღის ხანგრძლივობაზე? — ახალი კვლევა როგორ აისახება ყინულის დნობა დღის ხანგრძლივობაზე? — ახალი კვლევა
-
გადახედვავინ იქნება Neuralink-ის შემდეგი პაციენტი — რა ვიცით ვინ იქნება Neuralink-ის შემდეგი პაციენტი — რა ვიცით
-
გადახედვაბელას ადგილას, ედვარდს დავშორდებოდი — კრისტენ სტიუარტი ბელას ადგილას, ედვარდს დავშორდებოდი — კრისტენ სტიუარტი
-
გადახედვამამუკა ხაზარაძე: რეალურად, ვდგავართ ძალიან დიდ გზაჯვარედინზე — ან ევროპა ან რუსეთი მამუკა ხაზარაძე: რეალურად, ვდგავართ ძალიან დიდ გზაჯვარედინზე — ან ევროპა ან რუსეთი
-
-
გადახედვაფრინველის გრიპი ძროხებში ვრცელდება — რა უნდა ვიცოდეთ ფრინველის გრიპი ძროხებში ვრცელდება — რა უნდა ვიცოდეთ
-
-
გადახედვაახალი სურათი ჩვენი გალაქტიკის შავი ხვრელის მაგნიტური ველის სტრუქტურას გვიჩვენებს ახალი სურათი ჩვენი გალაქტიკის შავი ხვრელის მაგნიტური ველის სტრუქტურას გვიჩვენებს
-
გადახედვაკვლევის მიხედვით, თაობიდან თაობამდე ტვინების ზომა იზრდება — რას შეიძლება ნიშნავდეს ეს კვლევის მიხედვით, თაობიდან თაობამდე ტვინების ზომა იზრდება — რას შეიძლება ნიშნავდეს ეს
-
გადახედვაემა სტოუნს Poor Things-ის რეჟისორის ახალ ფილმში ვიხილავთ — ნახე ტრეილერი ემა სტოუნს Poor Things-ის რეჟისორის ახალ ფილმში ვიხილავთ — ნახე ტრეილერი
-
გადახედვაახალგაზრდებმა ზეწოლა არ უნდა იგრძნონ, თუ ადრეულ ასაკში სექსი არ აქვთ — რებელ უილსონი ახალგაზრდებმა ზეწოლა არ უნდა იგრძნონ, თუ ადრეულ ასაკში სექსი არ აქვთ — რებელ უილსონი
-
გადახედვალაზარე გრიგორიადისის საქმეზე დასკვნითი სხდომა კვლავ გადაიდო ლაზარე გრიგორიადისის საქმეზე დასკვნითი სხდომა კვლავ გადაიდო
-
გადახედვა2026 წელს ასტრონავტები მთვარეზე მცენარეებსაც წაიღებენ 2026 წელს ასტრონავტები მთვარეზე მცენარეებსაც წაიღებენ
-
გადახედვაBlack Sea Arena-ზე Scorpions და OneRepublic მაისში კონცერტებს გამართავენ Black Sea Arena-ზე Scorpions და OneRepublic მაისში კონცერტებს გამართავენ
-
გადახედვააზერბაიჯანი ევროკავშირისა და აშშ-ის სომხეთთან დაგეგმილი შეხვედრის გამო აღშფოთებულია აზერბაიჯანი ევროკავშირისა და აშშ-ის სომხეთთან დაგეგმილი შეხვედრის გამო აღშფოთებულია
კომენტარები