ექსპრემიერის, გიორგი გახარიას განცხადებით, არანაირი მნიშვნელობა არ აქვს, რამდენ პროცენტს მიღებს ქართული ოცნება თვითმართველობის არჩევნებზე, რადგან მთავრობის ლეგიტიმაციის პრობლემის პირობებში, რიგგარეშე არჩევნები მაინც იქნება.

"მმართველი პარტიის დღევანდელ ხელმძღვანელობას, ბოსებს, პარტიის რიგითი წევრები შეცდომაში შეყავთ. ჩემი გადმოსახედიდან, არანაირი მნიშვნელობა არ აქვს 43%-ს მიიღებს ოცნება, 48%-ს თუ 50%-ს. მარტივი მიზეზის გამო — ოცნებამ როდესაც აბსოლუტურად ლეგიტიმურად, საამართლიანად და სუფთად 48% მიიღო, მან ამ შედეგის დაცვა ვერ შეძლო. რაც ნიშნვს ჩემთვის იმას, განსაკუთრებით ყველა იმ მოვლენის შემდგომ, რაც განვითარდა, მიუხედავად იმისა, რამდენ პროცენტს აიღებს ოცნება, ლეგიტიმაციის პრობლემა აქვს. ლეგიტიმაციის პრობლემას 43 და 50 პროცენტით ვერ მოაგვარებს", — განაცხადა მან TV პირველის ეთერში.

მოლაპარაკებების შემდეგ ქართულმა ოცნებამ განაცხადა, რომ თანახმა იქნება რიგგარეშე საპარლამენტო არჩევნები ჩატარდეს, თუ თვითმართველობის არჩევნებზე მმართველი გუნდი 43%-ზე მეტს ვერ აიღებს.