ქართული ოცნების პოლიტსაბჭოს წევრი, დიმიტრი სამხარაძე, რომელიც აცხადებდა, რომ საქართველოსთვის გამართლებაა გახარიასნაირი პრემიერმინისტრი, ახლა მას ცრუპენტელას, შარლატანს უწოდებს და სექსისტური ფრაზით აყენებს შეურაცხყოფას.

"ფსკერი. ჭორიკანა ქალივით რეებს ბოდავს? ცრუპენტელამ თვითონ თქვა უარი სახელმწიფო ინტერესების გატარებასა და სამართლის აღდგენაზე და პარტია უგულვებელყოფდაო! დღეს რომ მელია და რურუა გარეთ არიან და პარლამენტი ამინისტიის პროექტზე მუშაობს, ამ შარლატანის ბრალია! ზუსტად მისი გადადგომით გააძლიერა ნაცები, მელია და წამოვიდა უცხოეთიდან რჩევები", — დაწერა სამხარაძემ ფეისბუქგვერდზე.

არც ისე დიდი ხნის წინ, სანამ გახარაია პრემიერმინისტრი იყო, სამხარაძე სულს სხვა შინაარსის პოსტებს წერდა და ამობდა, რომ მას დიდ პატივს სცემს.

"ასეთ რთულ პერიოდში, როდესაც მთელი მსოფლიო ებრძვის კორონა ვირუსს და ევროპის ყველაზე განვითარებულ და მოწინავე ქვეყნებსაც კი უჭირთ ვერაგ პანდემიასთან გამკლავება, საქართველოს გაუმართლა, რომ ჰყავს ისეთი პრემიერმინისტრი, მთავრობის მეთაური, როგორიცაა გიორგი გახარია. იმიტომ არა, რომ ერთი გუნდის წევრები ვართ და დიდ პატივს ვცემ, მხოლოდ იმიტომ რომ ეს არის ფაქტი! დანარჩენი? ქვეყნის მავნებელი პოლიტიკანების და ტელევიზიების კეკლუცობა და ფუჭი ტლიკინია", — წერდა სამხარაძე.

სამხარაძე ერთადერთი არ არის ქართულ ოცნებაში, ვინც პარტიის დატოვების შემდეგ ყოფილ პრემეირს აკრიტიკებს. გახარიას პარტიის მოქმედმა და ყოფილმა თავმჯდომარეებმა ქვეყნის მოღალატე უწოდეს და ენმ-ს ინტერესების შესაბამისად მოქმედებაში დაადანაშაულეს.