მას შემდეგ რაც კანონი და სამართლის ლიდერი, თაკო ჩარკვიანი პარლამენტში შევიდა, გირჩის სანაძლეო პირობა ნაწილობრივ შესრულდა. კერძოდ, გირჩის ლიდერს, იაგო ხვიჩიას თანაგუნდელ სანდრო რაქვიაშვილთან ნიძლავი ჰქონდა დადებული ხინკალზე, რომ ჩარკვიანი და შალვა ნათელაშვილი პარლამენტში შევიდოდნენ.

როგორც ხვიჩია ამბობს, ახლა ხინკალი რაქვიაშვილს აქვს ჩასაბარებელი, რადგან ჩარკვიანი პარლამენტში შევიდა. რაც შეეხება ნათელაშვილს, თუ ის არ შევა, ჩაბარება ხვიჩიას მოუწევს.

ხვიჩია: ფრე არ მოსულა. ერთი უკვე წაგებული აქვს სანდროს, მეორე აწი გადაწყდება, შეიძლება, მე წავაგო და მე მომიწიოს შალვაზე კისრება.

მეგრელიშვილი: ანუ ნებისმიერ შემთხვევაში კისრულობთ.

ხვიჩია: კი, აბა გაბათილება არ მოსულა ასეთ დროს.

მეგრელიშვილი: ესე იგი, წაგებული აქვს სანდროს თაკო ჩარკვიანი და ველოდებით შალვა ნათელაშვილის ხინკალს.

ხვიჩას თქმით, იმედი აქვს, რომ ნათელაშვილი პარლამენტში შევა და ის არ წააგებს. ამის შესახებ დეპუტატებმა პლენარულ სხდომაზე, ლევან იოსელიანის სიტყვით გამოსვლის პარალელურად თავიანთ ფეისბუქლაივში ისაუბრეს.