გირჩის ლიდერი, იაგო ხვიჩია ამბობს, რომ მას სანდრო რაქვიაშვილთან ნიძლავი აქვს დადებული იმის თაობაზე, რომ თაკო ჩარკვიანი და შალვა ნათელაშვილი პარლამენტში შევლენ.

"სხვათაშორის, მე და სანდრო რაქვიაშვილს ნიძლავი გვაქვს დადებული, რომ თაკო ჩარკვიანი შევა პარლამენტში ვამბობ მე, სახინკლეზე. სანდრო რაქვიაშვილი ფიქრობს, რომ არ შევა. ასევე, ბატონ შალვა ნათელაშვილზე. მე, ზოგადად, მგონია, რომ ესენი ყველა შევლენ", — განაცხადა ხვიჩიამ პალიტრანიუსის ეთერში.

19 აპრილს ევროპული საბჭოს პრეზიდენტის, შარლ მიშელის ახალ დოკუმენტს შვიდმა პოლიტიკურმა პარტიამ და რამდენიმე დამოუკიდებელმა დეპუტატმა მოაწერა ხელი. ხელმოწერის ცერემონია პრეზიდენტის სასახლეში გაიმართა და ონლაინ-რეჟიმში თავად მიშელიც დაესწრო.

დოკუმენტზე ხელმოწერაზე უარი თქვეს ნაციონალურმა მოძრაობამ და ევროპულმა საქართველომ. ასევე, ლეიბორისტულმა პარტიამ. თუმცა, აღსანიშნავია, რომ ამ პარტიებიდან ცალკეულმა დეპუტატებმა დოკუმენტს ხელი ინდივიდუალური გადაწყვეტილების საფუძველზე მოაწერეს.

გაიგეთ მეტი: