გიორგი გახარიას მინისტრთა კაბინეტის წევრი და ეკონომიკის მინისტრი, ნათია თურნავა ამბობს, რომ პოლიტიკური კრიზისის დროს ექსპრემიერის გადადგომა ბრძოლის ველის დატოვება იყო.

"ძალიან მნიშვნელოვანი არის ის, რა მომენტში მოხდა გადადგომა. გადადგომა მოხდა საკმაოდ დინამიურ და რთულ მომენტში, როდესაც იყო პოლიტიკური დაძაბულობა, პოლიტიკური კრიზისი. ასეთ დროს განსაკუთრებული პასუხისმგებლობა ეკისრება სახელისუფლებო გუნდს მთლიანად და რა თქმა უნდა, მის ხელმძღვანელს, ბატონ პრემიერმინისტრს. ასეთ დროს გადადგომა არის ბრძოლის ველის დატოვება", — განაცხადა თურნავამ.

დღეს, 7 ივნისს, ქართული ოცნების ყოფილმა თავმჯდომარემ, ბიძინა ივანიშვილმა განცხადება გაავრცელა და ყოფილი თანაგუნდელი, გიორგი გახარია გააკრიტიკა. ის ამბობს, რომ იმედგაცრუებულია და ექსპრემიერს გუნდისა და ქვეყნის მოღალატეს უწოდებს, მის საქციელს კი პოლიტიკურ დანაშაულად აფასებს.