თბილისის მერის, კახა კალაძის განცხადებით, ღია კაფეების მფლობელები წლის ბოლომდე მუნიციპალიტეტისთვის გადასახდელი იჯარისგან გათავისუფლდებიან. გადაწყვეტილება მან თბილისის მუნიციპალიტეტის მთავრობის სხდომაზე გამოაცხადა.

"ასეთი 200-მდე სუბიექტია და ისინი 2022 წლის 1-ლ იანვრამდე გათავისუფლდებიან მერიისთვის გადასახდელი საიჯარო საფასურისგან", — განაცხადა კალაძემ.

კალაძის განცხადებითვე, აღნიშნული შეღავათი მიმდინარე წლის პირველ თებერვლამდე მოქმედებდა, მაგრამ ვინაიდან ძალაში რჩება გარკვეული ტიპის შეზღუდვები, შეღავათის გახანგრძლივების გადაწყვეტილება მიიღეს. ამასთან, მისი თქმით, ცალკეულ სუბიექტებს, რომლებსაც უკვე გადახდილი აქვთ საიჯარო გადასახადი, წინსწრებით ჩაეთვლებათ ეს გადახდა და მიმდინარე წლის 1-ლი თებერვლიდან წლის ბოლომდე არ დაეკისრებათ საიჯარო გადასახადი.