12 წლის ზოი ჰარისონი, რომელიც მიჩიგანის შტატში ცხოვრობს საზოგადოებრივი საპირფარეშოების მოსაწესრიგებლად სასამართლოში იბრძვის. ზოი ეტლით მოსარგებლეა და ახლა ფედერალურ და შტატის წარმომადგენლებთან ერთად ცდილობს ორი ინიციატივა დააკანონოს, რომელიც შშმ პირებისათვის საპირფარეშოების ადაპტირებას ისახავს მიზნად.

"მიხარია, რომ ცვლილების მონაწილე ვარ", — ამბობს ზოი, — "ისიც მიხარია, რომ ადამიანები მისმენენ".

უფრო კონკრეტულად, ზოის დავის მიზანი საპირფარეშოების მდგომარეობაა. მისი თქმით, იატაკი უმეტესად სველია და უსუფთაო, ამიტომ, ტანსაცმლის გამოსაცვლელად მშობლებს პირსახოცების ძირს დაფენა უხდებათ.

"მისით გაოცებული ვარ", — ამბობს ზოის დედა, ჯენიფერ ჰარისონი, — "მას ვერაფერი აჩერებს საკუთარი მიზნებისაკენ სწრაფვისას, ცდილობს ბევრ ადამიანს დაეხმაროს და ხმის ამაღლების არც რცხვენია და არც ეშინია".

მაისის დასაწყისში ზოი უკვე შეხვდა კონგრესმენ ჯონ მულენაარს და მას საკუთარი იდეები გააცნო. მოგვიანებით, მულენაარმა გოგო ვაშინგტონშიც მიიწვია.

ფოტო: Jennifer Harrison

"ყველაფერი კარგად წავიდა", — ამბობს ზოი, — "მან მითხრა, რომ შესანიშნავი იდეები იყო და რომ არასდროს უფიქრია, თუკი ეს პრობლემას წარმოადგენდა".

ვაშინგტონში ჩასვლისას ის გეგმავს, რომ მოინახულოს საზოგადოებრივი საპირფარეშოები და სხვა ადამიანებისათვის მათი ადგილმდებარეობის გასაზიარებლად რუკაც შექმნას. ზოი ასევე დაათვალიერებს გასართობ პარკებს, რესტორნებს, მაღაზიებსა და სხვა დაწესებულებებს. თუკი ეს დაწესებულებები გოგოსა და მის მიერ შემუშავებული კანონის სტანდარტებს დააკმაყოფილებენ, მოწონების ნიშნად მათ ოფიციალურად მიენიჭება "ზ" ნიშანი.

ფოტო: Jennifer Harrison

ზოი მომავალში გადაუდებელი დახმარების ოპერატორობას გეგმავს.

"ერთმანეთის მიმართ ყოველთვის სიკეთე და დახმარების სურვილი გამოიჩინეთ", — ურჩევს ის თანატოლებს, — "და, რაც უნდა იყოს, თქვენ ყოველთვის შეგიძლიათ არსებულის შეცვლა".