მოძრაობა საქართველოსთვის აქტივისტი, გიორგი მუმლაძე ამბობს, რომ ექსპრემიერმა, გიორგი გახარიამ მათი მოძრაობის სახელი მიითვისა.

მას ვპირდებით, სადაც არ უნდა მივიდეს, ყველგან მივაკითხავთ და პლიუს ამას მოძრაობა საქართველოსთვის სახელი მიითვისა", — ამბობს მუმლაძე ფორმულასთან.

დღეს გიორგი გახარია პარტიისა და გუნდის პრეზენტაციას მართავს, რომელსაც საქართველოსთვის ერქმევა. გახარის გუნდის პრეზენტაციის პარალელურად საპროტესტო აქცია მიმდინარეობს.

აქტივისტები ადგილზე ბანერებით არიან მისული და გახარიას ხელისუფლებაში ყოფნის დროს გადაცდომებზე საუბრობენ.

აქციაზე ევროპული საქართველოს ახალგაზრდული ფრთის და მოძრაობა შეცვალეს და საქართველოსთვის წევრები არიან მისული. აქტივისტებს "გახარიას ცოდვების" პლაკატები უჭირავთ. ამასთან, აქტივისტებმა სიმღერა "გახარიას უხარია" ჩართეს, რომელიც 20 ივნისის აქციის დაშლას ეძღვნება.

18 თებერვალს გიორგი გახარია პრემიერმინისტრობის თანამდებობიდან გადადგა. ამის შესახებ მან სპეციალურ ბრიფინგზე განაცხადა და ეს გადაწყვეტილება ნიკა მელიას საქმეს დაუკავშირა. მან ახსენა ისიც, რომ გუნდში ამაზე აზრთა სხვადასხვაობა იყო.

22 მარტს გახარია საზოგადოებასთან თანამდებობის დატოვების შემდეგ პირველად გამოჩნდა და თქვა, რომ "არსად წასვლას არ აპირებს, მეტიც, არც პოლიტიკიდან" მიდის. 14 აპრილს კი გახარიას გუნდის ახალმა წევრმა, გიორგი ხოჯევანიშილმა განაცხადა, რომ ისინი მომდევნო არჩევნებისთვის მზადებას დაიწყებენ და შესაბამისად, მონაწილეობასაც მიიღებენ.

ამ ეტაპზე გახარიას გუნდში ქართული ოცნების 6 ყოფილი დეპუტატია. მმართველი პარტიიდან წავიდნენ და ყოფილ პრემიერმინისტრს უერთდებიან: გიორგი ხოჯევანიშვილი, მიხეილ დაუშვილი, ანა ბუჩუკური, ალექსანდრე მოწერელია, ბექა ლილუაშვილი და შალვა კერესელიძე.

გარდა ამისა, გახარიას პოლიტიკურ პარტიას უერთდებიან NATO-ში საქართველოს ყოფილი ელჩი, ლევან დოლიძე და ყოფილი პრეზიდენტის, გიორგი მარგველაშვილის ადმინისტრაციის ხელმძღვანელი, გიორგი აბაშიშვილი.