შინაგან საქმეთა სამინისტროს ცნობით, 25 მაისს ნამახვანჰესის საწინააღმდეგო აქციაზე მედიაჰოლდინგ ჯორჯიან თაიმსის თანადამფუძნებლის მიმართ ძალადობის ბრალდებით თბილისში ერთი ადამიანი დააკავეს. უწყების ინფორმაციით, გამოძიებით დადგინდა, რომ ბრალდებული, ნამახვანჰესის მშენებლობის მოწინააღმდეგეთა აქციის მონაწილეებთან ერთად გადაადგილდებოდა თბილისში, მერაბ კოსტავას ქუჩაზე მდებარე ჯორჯიან თაიმსის ოფისის წინ, რა დროსაც ფიზიკური შეურაცხყოფა მიაყენა ამავე მედიაჰოლდინგის თანადამფუძნებელს 27 წლის პირს.

"კერძოდ, დროშის ტარი ჩაარტყა, რის შედეგადაც დაზარალებულმა სახის არეში დაზიანება მიიღო", — აცხადებენ შსს-ში.

მათივე განცხადებით, ძალადობის შემთხვევაზე გამოძიება საქართველოს სისხლის სამართლის კოდექსის 126-ე მუხლის პირველი ნაწილით მიმდინარეობს.