20 მაისის ვაჭრობის შედეგად, ლარი დოლართან მიმართებით კვლავ გამყარდა.

ეროვნული ბანკის ინფორმაციით, ერთი დოლარის ღირებულება 3,3537 ლარი გახდა, რაც 2,33 თეთრით გამყარებას ნიშნავს.

რაც შეეხება ევროს, ამ ვალუტასთან მიმართებით ლარი 3,18 თეთრით გამყარდა და ერთი ევრო 4,0895 ლარს გაუტოლდა.

აღსანიშნავია, რომ წლის დასაწყისში არსებულ კურსთან შედარებით, ლარი დოლართან მიმართებით 7,7 თეთრით, ხოლო ევროსთან — 6,6 თეთრით არის გაუფასურებული.

შეგახსენებთ, რომ ლარის კურსის მერყეობის შესამცირებლად, საქართველოს ეროვნულმა ბანკმა მიმდინარე წელს შვიდი სავალუტო ინტერვენცია განახორციელა და ჯამურად 242,9 მლნ დოლარი გაყიდა. მათ შორის, ბოლო სავალუტო აუქციონი 22 აპრილს შედგა, სადაც ეროვნული ბანკმა 30 მილიონი დოლარი გაიყიდა.

სებ-ის მიერ დღეს დადგენილი გაცვლითი კურსი ხვალ, 21 მაისს შევა ძალაში.