პანდემიის დაწყებიდან დღემდე უამრავ ადამიანს თვითიზოლაციით, ფიზიკური დისტანციითა და სხვა შეზღუდვებით გამოწვეული დანაკლისი სერიალების ყურებამ გადაატანინა.

მართალია, სატელევიზიო შოუებს არც არასდროს აკლდა გულშემატკივრები, მაგრამ მათი რიცხვი ერთი-ორად გაიზარდა. შესაბამისად, სერიალების უკვე სტაჟიან თუ დამწყებ მაყურებელს ახალი სანახაობა რომ არ მოაკლდეს, ამ სტატიაში იმ ყველაზე საინტერესო, მნიშვნელოვან და მიმზიდველ სიახლეებს მოვუყარეთ თავი, რომლებიც 2021 წლის ზაფხულში არ უნდა გამოგეპაროთ.

1. Ted Lasso (ტედ ლასო), მე-2 სეზონი

ტედ ლასომ, რომლის პირველი სეზონიც 2020 წელს გამოვიდა, ძალიან მალე შეაყვარა უამრავ ადამიანს თავისი განსაკუთრებული იუმორით და ამ ზაფხულს მისი ისტორიის გაგრძელებასაც ვიხილავთ.

პრემიერის თარიღი: 23 ივლისი

2. Kevin Can F**k Himself (კევინს შეუძლია გაა*ვას)

თუ ყველა სიტკომი უკვე ნახე და რამე ახალ საინტერესო სერიალს ეძებ, შესაძლოა, Schitt's Creek-ის ვარსკვლავის, ენი მარფის ეს ახალი კომედიური დრამა მოგეწონოს.

პრემიერის თარიღი: 13 ივნისი

3. Never Have I Ever (მე არასდროს), მე-2 სეზონი

2020 წლის ერთ-ერთი ყველაზე კარგი და სასიამოვნო სატელევიზიო გამონათება მეორე სეზონითაც გაგვაბედნიერებს.

პრემიერის თარიღი: ივლისი

4. Lucifer (ლუციფერი), მე-5 სეზონის მეორე ნაწილი

უამრავი მაყურებლის საყვარელი დემონი ეკრანებზე ბრუნდება და როგორც ვარაუდობენ, ამის გამო წლევანდელი ზაფხულიც კიდევ უფრო ცხელი იქნება.

პრემიერის თარიღი: 28 მაისი

5. Gossip Girl (ჭორიკანა)

ერთ-ერთი ყველაზე ცნობილი თინეიჯერული სერიალი განახლებული სამსახიობო გუნდით, სხვა ისტორიით, განსხვავებული პერსონაჟებითა და ახალი თაობის პრობლემებით ბრუნდება.

პრემიერის თარიღი: ივლისი

6. What If...? (რა იქნებოდა, თუ..?)

მარველი ახალ ანიმაციურ სერიალს უშვებს, რომელიც სუპერგმირების მოყვარულებს ნამდვილად არ უნდა გამორჩეთ, რადგან აქ ყველასთვის საყვარელ პერსონაჟებს სულ სხვა კუთხით გავიცნობთ.

პრემიერის თარიღი: ზუსტი თარიღი უცნობია

7. Nine Perfect Strangers (ცხრა უნაკლო უცნობი)

ის, რომ ნიკოლ კიდმანი მონაწილეობს, ალბათ, უკვე საკმარისი მიზეზია ამ შოუს სანახავად, თუმცა იმასაც გეტყვით, რომ ეს ახალი სერიალი დიდი პატარა ტყუილების ავტორის კიდევ ერთი წიგნის მიხედვით გადაიღეს.

პრემიერის თარიღი: 18 აგვისტო

8. Lisey's Story (ლიზის ამბავი)

საშინელებათა ჟანრის, თრილერისა და მისტიკის მოყვარულების საყურადღებოდ: სტივენ კინგის კიდევ ერთი ბესტსელერი რომანის სატელევიზიო ეკრანიზაცია გადაიღეს, რომელშიც მთავარ როლს ჯულიანა მური ასრულებს.

პრემიერის თარიღი: 4 ივნისი

9. Monsters At Work (მონსტრების სამსახური)

დიახ, ლეგენდარული ანიმაციური პერსონაჟები, სალი და მაიკი ბრუნდებიან და თანაც არა ერთი მულტფილმით, არამედ მთელი სერიალით!

პრემიერის თარიღი: 2 ივლისი

10. Elite (ელიტა), მე-4 სეზონი

ბოლო პერიოდის ერთ-ერთი ყველაზე პოპულარული ესპანურენოვანი თინეიჯერული სერიალი ახალ ინტრიგებს კვლავ არ მოგაკლებთ.

პრემიერის თარიღი: 18 ივნისი

11. Why Women Kill (რატომ კლავენ ქალები), მე-2 სეზონი

პირველი სეზონის შემდეგ თუ ისევ გაინტერესებთ, მაინც რატომ კლავენ ქალები, ამ კითხვაზე პასუხი იქნებ მეორე სეზონში იპოვოთ, რომელიც ახალი ისტორიით, გმირებითა და მსახიობებით ბრუნდება.

პრემიერის თარიღი: 3 ივნისი

12. Loki (ლოკი)

WandaVision-ისა და The Falcon and the Winter Soldier-ის შემდეგ მარველის კიდევ ერთი გამორჩეული სუპერგმირის შესახებ ვიხილავთ დამოუკიდებელ სერიალს და თანაც მისი ტრეილერი უკვე ისეთი დამაინტრიგებელია, რთულია, პრემიერას მოუთმენლად არ დაელოდო.

პრემიერის თარიღი: 9 ივნისი