ლეგენდარული მერილ სტრიპი, რომელიც წელს ოსკარის რეკორდულ, მეოცე ნომინაციას აღნიშნავს დიზაინერ კარლ ლაგერფილდს დაუპირისპირდა.

სხვადასხვა გამოცემები წერდნენ, რომ მიზეზი ის კაბა გახდა, რომელიც მსახიობს ოსკარის წითელ ხალიჩაზე უნდა ჩაეცვა.

როგორც კარლ ლაგერფილდი ამბობს მას სტრიპის სამოსზე მუშაობა თითქმის დასრულებული ჰქონდა, როდესაც მსახიობმა შანელის მოდის სახლს კაბაზე უარი უთხრა.

"მას შემდეგ, რაც ჩვენ მას [მერილ სტრიპს] $105 000-იანი კაბა ვაჩუქეთ, აღმოჩნდა, რომ მის ჩაცმაზე უარი თქვა. არაუშავს, აუცილებლად მოვძებნით ვინმეს, ვინც ამ კაბაში ფულს გადაგვიხდის. სტრიპი გენიალური მსახიობია, მაგრამ როგორც ჩანს ამავდროულად ძუნწიც", - ამბობდა ლაგერფილდი.

ვრცელდებოდა ინფორმაცია იმის შესახებაც, რომ სკანდალის მიზეზი სტრიპსა და ლაგერფილდს შორის არსებული პოლიტიკური აზრთა სხვადასხვაობა გახდა.

"სიმართლე გითხრათ ვერ ვხვდები რატომ გახდა ეს ამბავი ასეთი გლობალური და რატომ საუბრობს ყველა ამაზე. დაპირისპირებას ადგილი არ ჰქონია და რასაც წერენ სრული ცილისწამებაა. მე ამ დრომდე ველოდები ჩემს კაბასაც და მითუმეტეს იმას, თუ როდის დასრულდება ამ თემაზე საუბარი", - ამბობდა სტრიპი.

თუმცა, რამდენიმე საათის შემდეგ დიზაინერმა კარლ ლაგერფილდმა მსახიობს ბოდიში მოუხადა და სინანული გამოთქვა, რომ ასეთი ბინძური ჭორები გავრცელდა.

"ძალიან ვწუხვარ და დიდ ბოდიშს ვიხდი. მერილს თუ მოუნდება შეუძლია კაბა ჩაიცვას. ეს სამოსი მისთვის სრულყოფილი იქნება", - თქვა კარლმა.

საინტერესოა, რომელი მოდის სახლის სამოსით გაივლის წითელ ხალიჩაზე მერილ სტრიპი. ამის ნახვის საშუალება კი დღეს, ღამის ორი საათიდან ტელეკომპანია GDS-ზე შეგეძლებათ.