ბელარუსში ყველაზე დიდი ოპოზიციური ონლაინგამოცემა Tut.by-ზე წვდომა შეზღუდულია. ვებგვერდი არ მუშაობს. დომენის დაბლოკვის შესახებ ფეისბუქზე დაწერა თანადამფუძნებელმა, კირილ ვოლოშინმა.

მანამდე გამოცემის ოფისსა და მის რედაქტორებთან ფინანსური პოლიცია ჩხრეკისთვის მივიდა. ბელარუსის ხელისუფლებამ გადასახადებისგან თავის არიდების ბრალდებით საქმე აღძრა.

ფინანსური პოლიცია რამდენიმე რედაქტორთან სახლში მივიდა, მათ შორის მთავარ რედაქტორთან, მარინა ზოლოტოვასთან. სად იმყოფება ახლა ის უცნობია. მინსკში გამოცემის მთავარი ოფისის დაკეტილია, ხოლო თანამშრომლები ზარებს არ პასუხობენ.

გარდა ამისა, საგამოძებო ორგანოები Tut.by-სთან დაკავშირებულ სხვა ვებგვერდებიც შეამოქმეს — hoster.by და ა.შ.

Tut.by და მასთან დაკავშირებული რესურსები ბელარუსში ყველაზე მსხვილი ინტერნეტჰოლდინგია. ამავე დროს, ის ყველაზე მსხვილი დამოუკიდებელი გამოცემაა, რომელიც გასული წლის აგვისტოდან აქტიურად აშუქებს პრეზიდენტ ლუკაშენკოს წინააღმდეგ საპროტესტო აქციებს.

აქციების გაშუქების გამო ბელარუსის ხელისუფლებამ Tut.by-ს მედიის ლიცენზია ჩამოართვა.