რამდენიმე საათია სოციალური ქსელი Facebook არასტაბილურად მუშაობს. როგორც მომხმარებლები ამბობენ, მათი ნაწილი მესენჯერის აპიდან გამოაგდო, ნაწილს მისდის შეტყობინება, რომ მათი მიმოწერა სპამის გამო წაიშალა, ზოგ მომხმარებელს ამცნობს, რომ მათი ანგარიში დაჰაკულია და პაროლი შეცვლილი, ხოლო ზოგიერთ მათგანს დაჰაკვის გამო პაროლის შეცვლას სთხოვს, მაგრამ შეცვლის შემთხვევაში ახალი პაროლი არ მუშაობს.

მსგავს სირთულეებს ფეისბუქის მომხმარებლები მთელი მსოფლიოს გარშემო წააწყდნენ.

The Next Web-ის ცნობით, Facebook-ის ოფიციალურმა წარმომადგენლებმა განაცხადეს, რომ სისტემაში მომხდარი ხარვეზის გამო, სოციალური ქსელის უსაფრთხოების სისტემამ, მომხმარებელთა ნაწილს პაროლის აღდგენის პროცედურა უმიზეზოდ გაუაქტიურა. მათი თქმით, მომხმარებელთა ანგარიშებსა და პირად ინფორმაციას საფრთხე არ ემუქრება.