პოლიტიკური პარტია გირჩი ამ წუთებში ბრიფინგს მართავს. პარტიის ლიდერის, ზურაბ ჯაფარიძის, განცხადებით, მათ ჩაატარეს ექსპერიმენტი და ინტერნეტით იყიდეს 5 გრამი ბიო ნარკოტიკი.

გირჩის განცხადებით, მათ ამ ექსპერიმენტით იმის დემონსტრირება სურთ, თუ რა მარტივია ბიოს მოძიება, როგორია ნარკოპოლიტიკა ქვეყანაში და რას აკეთებენ მოქალაქეები ქვეყანაში მაშინ, როცა კანაფის კულტივირება და მოხმარება აკრძალულია.

"დღეს ქვეყანაში არის რეალობა, როცა კანაფის კულტივაციისა და მოხმარებისთვის იჭერენ" - აცხადებს ჯაფარიძე.

მისი თქმით, მათ ინტერნეტით იყიდეს 5 გრამი ბიონარკოტიკი, უმარტივესი პროცედურით. რომელიც ჯაფარიძე დასძენს, რომ 400-ჯერ უფრო მძიმეა, ვიდრე მარიხუანა, ხოლო ბიოს შეძენით ქვეყნიდან თვეში 6 000 000 ლარი გაედინება.

გირჩის ექსპერიმენტის თანახმად ბიონარკოტიკის შეძენა ინტერნეტით 40 წუთში შეიძლება და
ის ხელმისაწვდომია ყველასთვის, მათ შორის არასრულწლოვანთათვის

ჯაფარიძის თქმით, მათ უვე გამოიძახეს შსს, რომელიც ჯერჯერობით ადგილზე არ იმყოფება. ისინი აპირებენ ნაყიდი ნარკოტიკის პოლიციისთვის ნებაყოფლობით გადაცემას, რაც მათი თქმით, 260-ე მუხლის მიხედვით, სისხლის სამართლის პასუხისმგებლობისგან გაათავისუფლებს.

გირჩმა და რამდენიმე ათეულმა მოქალაქემ 31 დეკემბერს პარტიის ოფისში, მათი მტკიცებით, მარიხუანის თესლი დათესეს. შსს-მ გამოძიება სისიხლის სამართლის კოდექსის 265-ე მუხლით დაიწყო. ამ მუხლით 12 წლამდე პატიმრობაა გათვალისწინებული.

11 იანვარს შსს-ს წარმომადგენლები პარტიის ოფისში მივიდნენ და 31 დეკემბერს დათესილი მცენარეები ამოიღეს. გუშინ შსს-მ განაცხადა, რომ გირჩის ოფისიდან ამოღებულ მცენარეებში საკმარისი რაოდენობის ნარკოტიკული საშუალება არ იყო.