პრემიერ-მინისტრის, ირაკლი ღარიბაშვილის მრჩევლად თავდაცვისა და უსაფრთხოების საკითხებში ირაკლი სესიაშვილი დაინიშნა. ღარიბაშვილის თქმით, თავდაცვა და უსაფრთხოება საქართველოს ხელისუფლებისთვის პრიორიტეტული სფეროებია და სესიაშვილს წარმატებული საქმიანობა უსურვა.

ირაკლი სესიაშვილი საქართველოს მე-10 მოწვევის პარლამენტის წევრია. ასევე, 2012-2020 წლებში, იყო მე-8 და მე-9 მოწვევის პარლამენტის წევრი და თავდაცვისა და უშიშროების კომიტეტის თავმჯდომარე.