ისრაელს უფლება აქვს თავი დაიცვას

აშშ-ს სახელმწიფო მდივნის, ენტონი ბლინკენის განცხადებით, მას ისრაელის პრემიერმინისტრ ბენიამინ ნეთანიაჰუსთან სატელეფონო საუბარი ჰქონდა, რა დროსაც მან ისრაელს მხარდაჭერა გამოუცხადა. ბლინკენი ტვიტერზე წერს, რომ ისრაელს აქვს უფლება, საკუთარი თავი დაიცვას.

"დღეს ვესაუბრე ისრაელის პრემიერმინისტრის ისრაელში მიმდინარე სიტუაციასა და ღაზის სექტორის მიერ იმ სარაკეტო თავდასხმებზე, რომელიც მიზანში მშვიდობიან მოქალაქეებს იღებს. ისრაელს აქვს უფლება, დაიცვას საკუთარი თავი. პალესტინელებს სჭირდებათ, რომ იცხოვრონ უსაფრთხოდ. დეესკალაცია სასიცოცხლოდ მნიშვნელოვანია", — წერს ის.

I spoke with @IsraeliPM today about the ongoing situation in Israel including rocket fire emanating from the Gaza Strip targeting Israeli civilians. Israel has the right to defend itself. Palestinians need to be able to live in safety and security. It’s vital now to deescalate.
— Secretary Antony Blinken (@SecBlinken) May 12, 2021

10 მაისს იერუსალიმში დაპირისპირება გამწვავდა. რამდენიმე წლის შემდეგ პირველად, ჰამასმა იერუსალიმზე სარაკეტო თავდასხმა განახორციელა. საპასუხოდ, ისრაელმა ღაზის სექტორზე საჰაერო იერიში მიიტანა. 11 მაისს ღაზის სექტორმა დაბომბა თელ-ავივიც.

სიტუაცია დაიძაბა ქალაქ ლოდშიც. მედიების ცნობით, გვიან ღამით პალესტინელი ახალგაზრდები ქუჩებში გამოვინენ — დაწვეს სინაგოგები, მაღაზიები და ათეულობით მანქანა. მთავრობამ საგანგებო მდგომარეობა გამოაცხადა და სიტუაციის განსამუხტად ქალაქში სასაზღვრო პოლიცია გაიგზავნა.

ამავე თემაზე:

ბოლო ამბები:

გირჩევთ