ევროპარლამენტარის, ვიოლა ფონ კრამონის განცხადებით, მელიას გათავისუფლებით 19 აპრილის შეთანხმების კიდევ ერთი მნიშვნელოვანი ეტაპი შესრულდა. მისივე თქმით, ახლა გადამწყვეტი მნიშვნელობა აქვს სხვა საკითხებზე ყურადღების გამახვილებას, რომლებიც მხარეთა თანამშრომლობას მოითხოვს და ხელს შეუწყობს საქართველოში უფრო სამართლიანი და გამჭვირვალე პარლამენტის არსებობას.

ნიკა მელიამ რუსთავის #12 ციხე დღეს, 10 მაისს დატოვა. პროკურატურამ თბილისის საქალაქო სასამართლოს აღკვეთის ღონისძიების გირაოთი შეცვლის შუამდგომლობით 9 მაისს მიმართა. სასამართლომ მოთხოვნა დააკმაყოფილა. მელიას გირაოს თანხა ევროკავშირმა გადაიხადა.