დაავადებათა კონტროლის ცენტრის დირექტორის, ამირან გამყრელიძის განცხადებით, ვაქცინაციის შემდეგ ალკოჰოლის დიდი რაოდენობით მიღება არაა მიზანშეწონილი.

"ის, რაც ქართველებს გვიყვარს, დიდი დალევა, არ არის მიზანშეწონილი ვაქცინაციის შემდეგ საკმაოდ დიდი პერიოდი. მეც ექიმი ვარ და ვინც მეკითხება ვეუბნები, რომ ძალიან გთხოვთ, ჩვენ რომ გვიყვარს ერთი და ორი ბოთლის დალევა, ნუ დალევთ, მაგრამ ერთი ჭიქა შეგიძლიათ დალიოთ, როცა გნებავთ, არ აქვს მნიშვნელობა. ზომიერების ფარგლებში ისევე, როგორც ზომიერების ფარგლებში ალკოჰოლი წამალია ხშირად, ხოლო თუ მას მივიღებთ დიდი რაოდენობით, მოგეხსენებათ პრობლემები შეიძლება გაჩნდეს", — განაცხადა გამყრელიძემ.

საქართველოში კორონავირუსის წინააღმდეგ ვაქცინაცია 15 მარტს დაიწყო და გარკევული ჯგუფის პირებისთვის იყო ხელმისაწვდომი. 4 მაისს კი 18 წლის ზემოთ პირებისთვის ჩინური ვაქცინა სინოფარმი გახდა ხელმისაწვდომი, რომელსაც ჯერ ჯანმრთელობის მსოფლიო ორგანიზაციისგან ავტორიზაცია მიღებული არ აქვს.

WHO-ს ნებართვის მიღების შემთხვევაში, ჩინური Sinopharm იქნება პირველი ვაქცინა არადასავლური ქვეყნიდან, რომელმაც ჯანდაცვის მსოფლიო ორგანიზაციისგან მიიღო ნებართვა. ამ ეტაპზე კი, WHO-ს საგანგებო გამოყენების ნებართვა გაცემული აქვს ისეთი ვაქცინებისთვის, როგორიცაა Pfizer-BioNTech, AstraZeneca and Johnson & Johnson.

გაიგე მეტი: