დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის დირექტორის, ამირან გამყრელიძის განცხადებით, პოსტკოვიდური სინდრომი უკვე სერიოზული პრობლემაა და მეტი ყურადღება სჭირდება.

"ზოგადად, პოსტკოვიდური სინდრომი გახლავთ უკვე სერიოზული პრობლემა და მას სჭირდება მეტი ყურადღება, ამიტომ რეკომენდაცია გახლავთ, ჩემი როგორც ექიმის, რომ კოვიდის გადატანის შემდგომ ადამიანი უნდა იყოს მჭიდრო კონტაქტში თავის ოჯახის ექიმთან სულ მცირე 6 თვის განმავლობაში და პერიოდულად ჰქონდეს კონსულტაციები ოჯახის ექიმთან და ასევე, თუ ექიმი საჭიროდ ჩათვლის, შესაბამისი გამოკვლევები ჩაიტაროს", — განაცხადა გამყრელიძემ.

7 მაისის მონაცემებით, საქართველოში კორონავირუსის 1547 ახალი შემთხვევა დადასტურდა, გამოჯანმრთელდა 1 131, ხოლო გარდაიცვალა — 18 ადამიანი.

სულ 6 ოქტომბრიდან — 6 მაისის პერიოდში, სახელმწიფო საზღვრიდან საკარანტინე სივრცეებში გადაყვანილია — 24 612 პირი.

ამ ეტაპისთვის თვითიზოლაციაში იმყოფება 35 553 ადამიანი, მათ შორის თბილისში — 27 134 პირი, აჭარაში — 2 283, იმერეთში — 1 127.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: