საქართველოს ჩემპიონატი აღმართის დაძლევაში 2021 წლის სეზონი ამლევი-ორბეთის მიმდებარე ტერიტორიაზე განახლდება. პირველი ეტაპი სახელწოდებით "ბირთვისის ბრძოლა" 8 მაისს 12 საათზე დაიწყება. ჩემპიონატი ტრადიციულად საქართველოს საავოტმობილო სპორტის ფედერაციის ორგანიზებით ტარდება და გენერალური პარტნიორების Myauto-სა და Eurocredit-ის მხარდაჭერით წელს განსაკუთრებულად სანახაობრივ, საინტერესო და ექსტრემალურ შოუს გვპირდება.

ჩემპიონატი 2013 წლიდან იმართება და ამ ხნის განმავლობაში შეიქმნა საინტერესო სპორტული თავგადასავალი, რომელიც უამრავ მაყურებელს იზიდავს, აძლევს შესაძლებლობას რთულ გზებზე მეგზურობა გაუწიონ პროფესიონალ ავტომრბოლებებს და მათთან ერთად განიცადონ მოზღვავებული ადრენალინი. ტრადიციულად, შეჯიბრში მონაწილეობას იღებს 30-მდე მონაწილე, რომლებიც სხვადასხვა კლასში ასპარეზობენ და ქმნიან აზარტულ სანახაობას.

8 მაისს ჩემპიონატში აღმართის დაძლევაში საქართველოს წამყვანი მრბოლელები მიიღებენ მონაწილეობას. ხოლო, ლოკაციაზე მოეწყობა გასართობი სივრცეები — მუსიკა, საპინკნიკე, კვების ზონა და სხვა ინფრასტრუქტურა, რომელიც ღია სივრცეში დაუვაწყარი დროის გატარების საშუალებას გაძლევს. ასევე, სარბოლო მონაკვეთზე დაგხვდება სპეციალური სექტორი — "სწრაფი ფულის" ზონა, რომლის ყველაზე სწრაფად გამვლელი მრბოლელი 1000₾-ს მიიღებს საჩუქრად ევროკრედიტისგან. დამსწრეებს მიეცემათ უნიკალური შესაძლებლობა TOP მრბოლელებთან ერთად Drift Car-ით დაძლიონ ექსტრემალური ბილიკი და განიცადონ ჭარბი ემოციები.

შეჯიბრში მონაწილეობის უფლება ეძლევათ მხოლოდ ლიცენზირებულ ავტომობილებსა და ღონისძიება ითვალისწინებს როგორც პანდემიასთან დაკავშირებულ რეგულაციებს, ასევე ტარდება საერთაშორისო სტანდარტების სრული დაცვით, რათა მონაწილეებისა და მაყურებლებისთვის იყოს მაქსიმალურად უსაფრთხო და კომფორტული. შეჯიბრის ორგანიზატორების სურვილია, თითოეული სტუმარსა თუ მონაწილეს დახვდეს ჯანსაღი სპორტული გარემო, სადაც თავს იგრძნობს დიდი საავტომობილო დღესასწაულის ნაწილად.