19 წლის ბილი აილიში გრემიზე რეკორდების მოხსნის შემდეგ ახალ მწვერვალებს სოციალურ მედიებში იპყრობს. მომღერალი, რომელიც დიდი ზომის და გენდერულად ნეიტრალური სამოსით დაგვამახსოვრდა, ბრიტანული ვოგის ახალ ფოტოსესიაში საკუთარ სექსუალურობას სიამაყით წარმოაჩენს.

"მიყვარს ეს ფოტოები და ეს ფოტოსესია. გააკეთეთ, რაც სიამოვნებას განიჭებთ, სხვა ყველაფერი ჯანდაბას წაუღია", — დაასათაურა ბილიმ ერთ-ერთი ფოტო.

ახალი ფოტოებით ინსტაგრამზე ბილიმ 2 დღეში ორჯერ მოხსნა ერთი და იგივე რეკორდი. 2 მაისს გამოქვეყნებულ ვოგის ყდით მან 6 წუთში მოიპოვა მილიონი მოწონება, ხოლოდ 4 მაისს გამოქვეყნებული სურათით საკუთარი თავის რეკორდი მოხსნა და უკვე 5 წუთში მიაღწია ამ შედეგს.

"მადლობა ყველას, ვინც ჩემი ხედვა გაითვალისწინა და ამ ფოტოთი რეალობად აქცია".

ბილი ასევე გახდა პირველი ადამიანი, რომლის 6 პოსტიც მოხვდა ინსტაგრამის ყველაზე პოპულარული ფოტოების ოცეულში.

"კიდევ ერთხელ მოვხსენი რეკორდი", — ბილი ინსტაგრამის სთორიში სიცილით გამოეხმაურა ახალ მიღწევას.

2020 წელს 17 წლის ბილი აილიში გახდა ყველაზე ახალგაზრდა შემსრულებელი გრემიზე, რომელმაც დაჯილდოების ყველაზე პრესტიჟული ჯილდო მოიპოვა და წლის საუკეთესო ალბომის ნომინაციაში გაიმარჯვა.

ასევე იხილეთ: