ოპოზიციის ნაწილი ადმინისტრაციულ სამართალდარღვევათა კოდექსის განხილვისთვის პარლამენტში მივიდა
ოპოზიციის ნაწილი, კერძოდ კი, ლელო და სტრატეგია აღმაშენებელი ადმინისტრაციულ სამართალდარღვევათა კოდექსის განხილვის მიზნით პარლამენტში მივიდნენ. საუბარია ცვლილებებზე, რომლებიც წვრილმანი ხულიგნობისა და პოლიციელისადმი დაუმორჩილებლობისთვის სანქციების გამკაცრებას ითვალისწინებს.
"ეს კონკრეტული ცვლილება კიდევ ერთხელ არღვევს ადამიანის უფლებებს, მანიფესტაციის და გამოხატვის თავისუფლების უფლებას. ქვეყანაში, სადაც არ არის დამოუკიდებელი სასამართლო, სადაც პროკურატურა არის მიკერძოებული, რა თქმა უნდა, ეს ყველაფერი არის გამიზნული იმისთვის, რომ კიდევ უფრო მეტი დასჯა მოხდეს ადამიანების, რომლებიც გამოხატავენ მშვიდობიან პროტესტს", — განაცხადა სტრატეგია აღმაშენებლის წევრმა, თეონა აქუბარდიამ.
მისი თქმით, პარტია ითხოვს ამ კანონპროექტის იმ გონივრულ ვადაში განხილვას, სადაც მონაწილეობის მიღება მათაც შეეძლებათ.
"ეს აუცილებლად უნდა შეჩერდეს და არ უნდა მოხდეს მისი მესამე მოსმენით მიღება. ჩვენ უნდა შეგვეძლოს, ჩავერთოთ ამ პროცესში ისე, რომ დავიცვათ როგორც სამოქალაქო აქტივისტების უფლებები, ასევე, არ დავუშვათ ის, რომ ქვეყანაში კიდევ უფრო გაუარესდეს ადამიანის უფლებების კუთხით მდგომარეობა", — ამბობს აქუბარდია.
პარტიის კიდევ ერთი წარმომადგენლის, პაატა მანჯგალაძის განცხადებით, დაგეგმილი ცვლილებები ეხება იმ მუხლებს, რომლითაც მშვიდობიან აქტივისტებს სჯიან.
"მე პირადადაც, როდესაც ვმონაწილეობდი აქციებში, არაერთხელ ვარ დაჯარიმებული ამ მუხლებით, დაპატიმრებული ადმინისტრაციული წესით ამ მუხლებით. ეს არის პოლიტიკური მუხლები და მათი გამკაცრება და რეპრესიულ საშუალებად გამოყენება არის რუსეთის და ბელორუსის პრაქტიკა. რა თქმა უნდა, ამას ჩვენ მხარს ვერ დავუჭერთ", — ამბობს ის.
მანჯგალაძე აღნიშნავს, რომ პრობლემაა ცვლილებების დაჩქარებული წესით მიღებაც.
ლელოს და სტრატეგია აღმაშენებლის გარდა, კანონპროექტს აკრიტიკებს პარტია მოქალაქეებიც. ამის შესახებ განცხადება ლევან იოსელიანმა ბიუროს სხდომაზე გააკეთა. მან დეპუტატებს სთხოვა, უფრო ყურადღებით მოუსმინონ არგუმენტებს და ცვლილებებს დაკვირვებით მოეკიდონ, გამომდინარე ქვეყანაში არსებული პოლიტიკური სიტუაციიდან.
ახალი კანონპროექტის თანახმად, ადმინისტრაციულ სამართალდარღვევათა კოდექსში ცვლილებები შედის, რის შედეგადაც წვრილმანი ხულიგნობისა (166-ე მუხლი) და სამართალდამცველის მოთხოვნისადმი დაუმორჩილებლობისთვის (173-ე მუხლი) სანქციები იზრდება.
ამასთან ცვლილება ეხება 12-საათიან პატიმრობასაც. კერძოდ, მოქმედ კანონში წერია, რომ ადმინისტრაციული სამართალდარღვევის ჩამდენის დაკავების ვადა არ უნდა აღემატებოდეს 12 საათს, ხოლო თუ ეს დაკავება არასამუშაო დროს ემთხვევა, ადამიანი შეიძლება დროებითი მოთავსების იზოლატორში მოათავსონ საქმის განხილვამდე, თუმცა დაკავების საერთო ვადა არ უნდა აღემატებოდეს 48 საათს. გასულ წელს საკონსტიტუციო სასამართლომ დაადგინა, რომ 48-საათიანი ნორმა არაკონსტიტუციურია, რადგან განსხვავებულ მოპყრობას აწესებს. თუმცა ქართული ოცნება ცვლის არა ამ კონკრეტულ ჩანაწერს, არამედ ზრდის პირველ, 12-საათიან ვადას და მიზნად თანასწორი მოპყრობის უზრუნველყოფას ასახელებს.
კანონპროექტს აკრიტიკებენ არასამთავრობო ორგანიზაციებიც:
-
-
გადახედვასაქართველოს 10 საუკეთესო გამოსვლა ევროვიზიაზე საქართველოს 10 საუკეთესო გამოსვლა ევროვიზიაზე
-
გადახედვამასშტაბური კვლევის თანახმად, ვიაგრა ალცჰაიმერის განვითარების რისკებს 50%-ით ამცირებს მასშტაბური კვლევის თანახმად, ვიაგრა ალცჰაიმერის განვითარების რისკებს 50%-ით ამცირებს
-
გადახედვაახალი რობოტი ადამიანის სახის გამომეტყველებას იმეორებს ახალი რობოტი ადამიანის სახის გამომეტყველებას იმეორებს
-
-
გადახედვამედიაკოალიცია სამართალდამცავ უწყებებს მოუწოდებს, ჟურნალისტ ნატო გოგელიას სახლში შეღწევისა და ქონების დაზიანების ფაქტი დროულად გამოიძიონ მედიაკოალიცია სამართალდამცავ უწყებებს მოუწოდებს, ჟურნალისტ ნატო გოგელიას სახლში შეღწევისა და ქონების დაზიანების ფაქტი დროულად გამოიძიონ
-
გადახედვაროგორ აისახება ყინულის დნობა დღის ხანგრძლივობაზე? — ახალი კვლევა როგორ აისახება ყინულის დნობა დღის ხანგრძლივობაზე? — ახალი კვლევა
-
გადახედვავინ იქნება Neuralink-ის შემდეგი პაციენტი — რა ვიცით ვინ იქნება Neuralink-ის შემდეგი პაციენტი — რა ვიცით
-
გადახედვა340 000 ლარზე მეტი ოდენობის თანხის თაღლითურად დაუფლების ფაქტზე, ორ პირს ბრალდება წარედგინა 340 000 ლარზე მეტი ოდენობის თანხის თაღლითურად დაუფლების ფაქტზე, ორ პირს ბრალდება წარედგინა
-
გადახედვაბელას ადგილას, ედვარდს დავშორდებოდი — კრისტენ სტიუარტი ბელას ადგილას, ედვარდს დავშორდებოდი — კრისტენ სტიუარტი
-
გადახედვაინტერნეტის სიჩქარე რამდენიმე მილიონჯერ გაზარდეს — როგორ გადაიტანეს წამში 301 ტერაბიტი ინტერნეტის სიჩქარე რამდენიმე მილიონჯერ გაზარდეს — როგორ გადაიტანეს წამში 301 ტერაბიტი
-
-
გადახედვაფრინველის გრიპი ძროხებში ვრცელდება — რა უნდა ვიცოდეთ ფრინველის გრიპი ძროხებში ვრცელდება — რა უნდა ვიცოდეთ
-
-
გადახედვაახალი სურათი ჩვენი გალაქტიკის შავი ხვრელის მაგნიტური ველის სტრუქტურას გვიჩვენებს ახალი სურათი ჩვენი გალაქტიკის შავი ხვრელის მაგნიტური ველის სტრუქტურას გვიჩვენებს
-
გადახედვა2023 წელს შემცირდა ქორწინების, განქორწინების და შობადობის მაჩვენებელი — საქსტატი დემოგრაფიულ მაჩვენებლებს აქვეყნებს 2023 წელს შემცირდა ქორწინების, განქორწინების და შობადობის მაჩვენებელი — საქსტატი დემოგრაფიულ მაჩვენებლებს აქვეყნებს
-
გადახედვაკვლევის მიხედვით, თაობიდან თაობამდე ტვინების ზომა იზრდება — რას შეიძლება ნიშნავდეს ეს კვლევის მიხედვით, თაობიდან თაობამდე ტვინების ზომა იზრდება — რას შეიძლება ნიშნავდეს ეს
-
გადახედვაემა სტოუნს Poor Things-ის რეჟისორის ახალ ფილმში ვიხილავთ — ნახე ტრეილერი ემა სტოუნს Poor Things-ის რეჟისორის ახალ ფილმში ვიხილავთ — ნახე ტრეილერი
-
გადახედვაახალგაზრდებმა ზეწოლა არ უნდა იგრძნონ, თუ ადრეულ ასაკში სექსი არ აქვთ — რებელ უილსონი ახალგაზრდებმა ზეწოლა არ უნდა იგრძნონ, თუ ადრეულ ასაკში სექსი არ აქვთ — რებელ უილსონი
-
გადახედვალაზარე გრიგორიადისის საქმეზე დასკვნითი სხდომა კვლავ გადაიდო ლაზარე გრიგორიადისის საქმეზე დასკვნითი სხდომა კვლავ გადაიდო
-
გადახედვა2026 წელს ასტრონავტები მთვარეზე მცენარეებსაც წაიღებენ 2026 წელს ასტრონავტები მთვარეზე მცენარეებსაც წაიღებენ
კომენტარები